बिहीवार, ४ असोज, २०७५ (Thu, 20 September, 2018)
भेटवार्ता
Jul 17, 2015
८२ करोड पुँजी र ३५ शाखा भएको देव: विकास बैंक भएका छौं
शुक्रबार, श्रावन १, २०७२
– तपाई वाणिज्य बैंकमा उच्च पदमा रहि लामो समयसम्म काम गर्नुभएको बैंकर विकास बैंकमा सिइओ भएर आउनुभयो तपाई आएको एक वर्षबीच मै राइजिङ डेभलपमेन्ट बैक र एनडिइपी डेभलपमेन्टबीच मर्जर भयो र अहिले देवः विकास बैंक बनेको छ यसको वित्तिय अवस्था कस्तो छ त ?
म यस बैंकमा आउँदा यस बैंकलाई मर्जरको जरुरी थियो कि पुँजी बढाउनु पर्ने अवस्था थियो । प्रष्टै भन्नुपर्दा त्यसबेला राइजिङ डेभलपमेन्ट बैंकसँग मर्जर गर्ने निर्णय नै भएको अवस्था थियो । म आएको १ वर्षभित्र बैंकमा धेरै सुधार भए बीचमा खराब अवस्था पनि थियो । तर बीचमै सेटल भएको थियो मर्जर मै जानुपर्ने अवस्था त्यति थिएन । आवश्यकताको हिसावले तर राइजिङ डेभलपमेन्ट बैंक राम्रो बैंक भएको हिसावले र राष्ट्र बैंकको निर्देशन पनि मर्जरमा जानुपर्छ भन्ने थियो । धेरै बैंक र वित्तिय संस्था भए मर्जर गर भनेर राज्यले भनिरहेको अवस्थामा हामी मर्जरमा गएका हौ ५८ करोडको पुँजी भएको बैंक ८२ करोड पुँजी पु¥याएका छौं मर्जरपछि १९ वटा शाखाबाट ३५ वटा शाखा पुगेको अवस्था छ हाम्रो लोन, नेटवर्क, पुँजी सबै बढेको अवस्था छ यसले मजवुत विकास बैंक बनेको छ । त्यसकारण यसलाई वाणिज्य बैंक बनाउने मेरो चाहना छ सोच छ ।

– तपाईले वाणिज्य बैंक बनाउने चहाना र सोचको कुरा उठाउनु भएको छ यो राम्रो कुरा हो तर कसरी बन्ने हो वाणिज्य बैंक पुँजी बढाएर वा फेरि मर्जर गरेर ?
मैले भन्न खोजेको यस्तो हो अब हामी ठूलो विकास बैंक भएका छौं अब हामी हाम्रो भूमिका देखाउँदै वाणिज्य बैंकसँग मर्जर भएर वा विभिन्न विकास बैंकसँग मर्जर गरेर नै जाने हो । राष्ट्र बैंकको निर्देशन विपरित जाँदैनौ । हामी अब पछि हाम्रो मूल्यांकन अनुसार हाम्रो पूँजी र लगानी, शाखा सञ्जाल देखाउँदै हाम्रो शेयरको राम्रो मूल्यांकन भए वाणिज्य बैंकसँग मर्जर मै जाने छौ भन्न खोजिएको हो ।

– भूकम्प गएपछि तपाईको बैंकले राज्य र भूकम्प पिडितलाई कस्तो सहयोग ग¥यो ?
हाम्रा ९० प्रतिशत शाखा भूकम्प पिडित जिल्ला मै परेको छन् त्यस्तो ठाउँमा गएर मैले निरीक्षण गरे जलविरे जहाँ हाम्रो शाखा खोला र पहाडको बीचमा छ यो शाखा पूर्ण क्षति भयो यसलाई सारेर काम गरेका छौ तर पछि हामी जलविरेमा शाखा पुनस्थापना गर्ने नै छौ । यसले त्यस क्षेत्रका भूकम्प पिडितलाई सेवा र सहयोग पुग्ने छ । अर्को कुरा हाम्रो बैंकले प्रधानमन्त्री राहत कोषमा हामी १० लाख दिएका छौं । कर्मचारी पीडित छन् उनीहरुलाई ६ लाख ५० हजार सहयोग गरेको अवस्था छ ।

– विकास बैंक गाउँ गाउँमा अहिले पुन निर्माणमा तपाईहरु जस्ता विकास बैंकहरुले धेरै योगदान पु¥याउन सक्दछ । अहिले राष्ट्र बैंकले तपाईहरुलाई निव्र्यजी पैसा दिँदैछ त्यो पैसा तपाईहरुले २ प्रतिशत व्याजमा भूकम्प पीडितहरुलाई लगानी गर्नुपर्ने छ त्यो सम्भव होला ? जवकी २ प्रतिशतमा तपाईको कस्ट पनि उठ्दैन यसलाई कसरी लिनुभएको छ ?
यो हेर्न नै बाँकी छ । त्यति सजिलोसँग लगानी गर्न सकिएला जस्तो छैन । तापनि एउटा पोलिसी आउने नै छ मेरो व्यक्तिगत कुरा गर्ने हो भने २ प्रतिशतको लगानी छ यसमा म सकारात्मक छु । बैंकहरुले जति पनि व्याज लिने कुरा छ त्यो ठिक थिएन अहिले २ प्रतिशत मै दिने कुरा छ यो विपत्तिमा दिइने राहत हो यसलाई सकारात्मक रुपमा लिनुपर्दछ । हामीहरुले मिल्ने र हुने गरि लगानी गर्न तयार छौ । हामी टे«जरी बिलमा ०.०२ प्रतिशतमा त लगानी गरेको अवस्था छ भने यो त ठूलो कुरा हो । राज्यले गर भनेको छ भने कि पछि हट्ने ?

– अबको लगानी अवसर हो कि चुनौति यसलाई कसरी लिनुहुन्छ ?
अहिले असार मसानत आएको छ । वर्षा सुरु भएको छ । अबको २÷३ महिनापछि यस बारेमा भन्न सकिन्छ । अहिले नै यस्तो भन्नु अलिक उपयुक्त नहोला कि ?

– अब कृषि र ऊर्जामा लगानी बढ्ने हो कि के हो ?
कृषि र ऊर्जा लगानी बढ्ने छ । ऊर्जामा त बढेको छ ऊर्जामा डराउनु पर्ने अवस्था छैन त्यति धेरै क्षति भएको छैन कृषि प्रधान देश नेपाल कृषिमा त लगानी बढाउनु जरुरी छ । राष्ट्र बैंकले पनि कृषि र ऊर्जामा लगानी बढाउने कुरा उठाएको छ नि ।

– राष्ट्र निर्माणको लागि बैंकरहरुको चाहि कस्तो भूमिका हुनुपर्ला त ?
जहिले पनि हामी बैंकरहरु सामाजिक दायित्वमा लागेकै छौं । बैं,क विकास बैंकले गरेका छन् यस्ता सामाजिक उत्तरदायित्वका धेरै काम गरेका छन् । हामीले त गाउँ गाउँमा दुर्गम ठाउँमा शाखा खोलेर कर्जा दिएका छौं डिपोजिट लिएका छौं सेवा दिएका छौं वाणिज्य बैंक नपुगेको ठाउँमा विकास बैंक पुगेको छ । त्यसकारण अब हाम्रो दायित्व अझै बढेको मैले महसुस गरेको छु भूपेन्द्र जी ।

– अन्त्यमा बैंक अब देवः विकास विकास बैंक बनेको छ यसका ग्राहक, कर्मचारी, प्रमोटर र शेयरधनीहरुलाई केही भन्नु छ कि ?
प्रष्ट भन्दाखेरी राइजिङ र एनइडिपी बैंक राम्रा बैंक थिए अझै मजवुत बन्न हामी मिलेर देवः विकास बैंक भएका छौं प्रमोटरहरुलाई हामी लाभांश दिन्छौ । शाखा बढेको छ । मर्जरपछि अब जनताको सेवामा हामी लाग्ने छौ । देवः विकास बैंक एउटा असल बैंक बन्ने छ सबै कर्मचारीहरुलाई उच्च मनोवलका साथ काम गर्न आग्रह गर्दछु । ग्राहकहरुलाई निर्धक्क भएर हामीसँग कारोबार गर्न विनम्र अनुरोध गर्दछु । हामी अरु बैंक र विकास बैंकले दिएका सम्पूर्ण सेवा सुविधा दिन तयार छौं भन्न चाहान्छु ।
 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Desk Editor Team
Laxmi Kishori Parajuli, Ashok Siwakoti,
Yogendra Chaulagain, Mahesh Kumar Sunuwar, 
Subash Chamling Rai, 
Balkrishna Karmacharya, 
Milan Gurung,
Promise Gurung, Karna Bahadur Ghale,
Sangita Tamang, Rohini Chhetri,
Pawan Kumar Tamang, Mira Tamang Yonjan