शुक्रबार, १ भाद्र, २०७५ (Fri, 17 August, 2018)
विचार
Sep 04, 2015
एउटा निरंकूशता फाल्दा डरलाग्दो निरंकूशतामा फसियो
शुक्रबार, भाद्र १८, २०७२
भालुको कान कतिञ्जेल समातेर बस्ने ? छाड्यो कि टोकिहाल्छ, सिध्याइहाल्छ । भालुको कन्पट बन्यो संघीयता ।संघीयतालाई लिएर राष्ट्रिय जनमोर्चाका नेता चित्रबहादुर केसीले भनेका छन्– घा“टीमा अड्केको हड्डी बन्यो संघीयता । कांग्रेस, एमालेका केही नेताहरुको मान्यता पनि यही छ । संघीयताकै कारण धार्मिक, जातीय, क्षेत्रीय, भाषागत भासमा भासिदै जान थालेको छ मुलुक ।

संविधानसभामा मस्यौदामाथिको छलफल सकिएर संशोधनका भोलि भदौ १९ गतेसम्मको समय छ, राजनीतिक विवाद झन झन चर्किएर गएको छ । बन्द, हड्ताल, नाराजुलुस सर्वत्र बढ्दै गएका छन् । यहा“सम्म कि चारदलको संगठनबाट फोरम लोकतान्त्रिकका विजय कुमार गच्छदारलेसमेत भोलिसम्ममा मधेसीका माग पूरा नभए संविधानसभाको सबै प्रक्रिया छाडिन्छ भन्ने निर्णय सुनाइसकेका छन् ।

१७ जनाले ज्यान गुमाइसके । राज्य अझै निरंकूश बनेर सेना परिचालन गरिरहेको छ । कहिलेसम्म र कहा“सम्म गर्ने सेना परिचालन । सैनिक परिचालन गरेर संविधान जारी गर्ने ? यसकारण बहस उठ्यो– नेपालको आवश्यकता संघीयता हो कि विकेन्द्रीकरण ? यसबारेमा अर्जुनदृष्टि राख्न नसक्दा देश द्वन्द्वमा पस्न पुगेको छ ।

६ प्रदेशको खाका सार्वजनिक हुनासाथ बढेको विवाद ७ प्रदेश हु“दा झन चुलिएको छ । खण्ड अखण्ड र भाषा पहिचानको माग ह्वात्तै बढेर गएको छ । जनता आन्दोलित हु“दा तिनलाई दबाउने नाममा केही जनता र सुरक्षाकर्मीको ज्यान गइसकेको छ । पश्चिमाको डलरको डकारले जातीय र धर्मनिपरपेक्षतावादीहरुको अहंकार बढाइदिएको छ । मुलुक आगोको ज्वाला र धुवा“को मुस्लोमा निसास्सिन थालिसक्यो ।

विज्ञहरुका अनुसार नेपालमा १२६ जाति र १२३ भाषीहरु छन् । कुनै पनि गाउ“, नगर, जिल्ला अथवा क्षेत्रमा एउटै जातिको बाहुल्यता छैन । र, यथार्थ के पनि हो भने दलित, सिमान्तकृत, शोषणमा परेका जाति र भाषी छन्, शोषक र शोषित छन्, बर्ग संघर्षको स्थिति छ । यसको निदान संघीयता हो कि शोषित बर्गको हित रक्षाको बैकल्पिक मार्ग निकाल्नुपर्ने हो ? संघीयता हु“दैमा बर्गसंघर्ष संवोधन हुनसक्दैन भन्ने थाहा भएर पनि हाम्रा राजनीतिक नेताहरु स्वयं दिग्भ्रमित हुनपुगे । मुलुकमा संघीयतासहितको संविधानको सुगा रटान गर्दागर्दै रगत पो बग्न थाल्यो ।

जनआन्दोलनको सफलता प्राप्त हुनासाथ राजनीतिक दलहरुले मनखुशी धर्मनिरपेक्षता अन्तरिम संविधानमा लेखिदिए । बिना लोकमत किन यसो गरियो ? यसबारेमा राजनीतिक नेतृत्व जिब्रो चपाउ“छ, बोल्न सक्दैन । यथार्थ के हो भने जनआन्दोलन सफल पार्न भेटिकनदेखि भेटी आएको थियो, भेटी पचाउन हिन्दूराष्ट्रको शव्द फेरेर धर्मनिरपेक्ष राष्ट्र लेखियो । त्यसपछि लगातार चर्चहरु खोलिदै गएका छन्, धर्मपरिवर्तन भइरहेका छन् र नेपालमा इसाईकरणको बाढी नै आएको छ ।

धार्मिक सहिष्णु मुलुकमा धार्मिक आक्रोस बढ्दै छ, धार्मिक द्वन्द्वले रक्तपात मच्चिने खतराका आहट पनि सुनिन थालिसकेका छन् । कहिल्यै धर्म राजनीतिक एजेन्डा बनेको थिएन, संघीयतास“गै धर्म पनि राजनीतिकरण मुद्दा बनेको छ, सडकमा धार्मिक राजनीति सुरु भइसक्यो । संविधान निर्माणको मुख्य अड्चन भनेकै जातीयता, क्षेत्रीयता, अखण्डता र धर्मनिरपेक्षता हो । यी चार विषयमा राजनीतिक नेताहरु जबसम्म प्रष्ट हुनसक्दैनन्, संविधानसभाबाट प्रष्ट चित्र प्रकट हु“दैन, तवसम्म संविधान घडीको रालो हल्लिएझै“ हल्लिरहनेछ । देशले निश्चित बिधि र पद्धति पाउन सक्नेछैन । शान्ति र प्रगतिको फलामे ढोका खुल्नेछैन ।

विदेशी समाजवादीभित्रमात्र होइन, मधेसवादी वा वामपन्थीवादीहरुको चुलो चौकोमा पलेटी कसेर बसिसकेका छन् । लोकतन्त्रवादीको मुखुण्डो लगाएर वा नलगाएर अतिवादीहरुको पकेटखर्च, मधेसी नेताको बिखण्डनवादी वा आन्दोलन गर्ने गराउने खर्च विदेशीले नै भर्ने गरेकोमा कसैलाई शंका छैन । समाजवादी वा बर्गीय राजनीतिभित्र जातीय वा धार्मिक राजनीतिक आगो विदेशी पैसाले किनेको सलाईको का“टीले लगाइरहेको छ ।

कांग्रेस, एमाले वा मधेसी दलहरु लोकतन्त्रको साइनबोर्ड झुण्ड्याएर कम्युन्यालिजम, माफियातन्त्र, भ्रष्टाचार बढाइरहेका छन् । एक नेपाललाई सुसंगठित बनाउ“छु भनेर एकजना नेता पनि शीर ठाडो पारेर उभिन सकेका छैनन् । परजीवी भएपछि परालखुट्टे हुनु स्वभाविक हो । देश आगोको लपेटमा परिसक्दा पनि सम्हाल्न नसक्ने नेताहरुको दयालाग्दो स्थिति देख्दा यिनले जतिसुकै जनमतको धक्कु लगाए पनि यिनले जनताको विश्वास गुमाइसके भन्दा फरक पर्दैन । जनता आक्रोसित छन्, नेताहरु आ–आफ्नै डम्फु बजाएर किंकर्तव्यविमूढ छन् । विदेशीहरु नेपाली नेपालीलाई उचाल पछार गरेर रमाइरहेका छन् । कहा“ छ पार्टी र नेताको निर्णय क्षमता ? नेपालको राष्ट्रिय हित र एकता किन खण्डिकरण भइरहेको छ ? संघीयताको हड्डी घा“टीमा अड्किनाले वल्लो किनार न पल्लो तीर हुनपुगेको छ संविधानसभा ।

संघीयता छाडेर अघि बढ्न सकिन्न । संघीयतासहितको संविधान जारी हु“दा पनि जनताबाट अमान्य हुने खतरा छ । राष्ट्रिय मुद्दाहरुमा जनमत संग्रह गराउने हो भने हारिन्छ भनेर ठूला ४ चाल त्यो जोखिम लिन पनि चाहदैनन् । अलिनो पनि नखाउ“, नूनढिकी पनि नफोरौं भन्दा राजनीतिमा अन्यौल र देशभरि अराजकता फैलिरहेको छ । आयोग बनाएर संघीयताको निक्र्यौल गर्ने हो भने संविधानमा न्यूनतम सहमति हुनसक्छ । संविधानभित्र र बाहिरका राजनीतिक दलहरुलाई वार्ताका लागि प्रधानमन्त्रीले आह्वान गरिसकेका छन् । वार्ता सुरु पनि भइसक्यो । तर, वार्ताले आकार पाउला ? चार ठूला नेताको जमिन्दारीजस्तो बनेको संविधानसभा देखेका शक्तिहरुलाई सत्ताधारीप्रति पटक्कै भरोसा देखिदैन ।

हो, संविधानसभा ज्यू“दै थियो र छ । सभाको मान मर्दन गर्दै चार पार्टीले १६ बु“दे सहमति गरे । यो सहमतिको उपज हो संविधानको मस्यौदा । यो मस्यौदामा उल्लेखित संघीयतालाई सहमति गर्ने मजफो लोकतान्त्रिकले चुनौति दिइसक्यो । एमाओवादीका नेता उपनेता प्रचण्ड र बाबुरामवीच शक्तियुद्धले छाया“मा पारिसकेको छ भने मधेसी दलहरु र कांग्रेसकै केही सदस्यले समेत कान निमोठीरहेका छन् । एमाले त नरसंहार भए होस्, संविधान जारी गरेर सत्ताको लगाम हातमा लिन चाहिरहेको छ ।

प्रचण्डले राष्ट्रपति बन्न ¥याल चुहाएका छन् । १६ बु“दे भनेको ट्वाक्कै भन्दा लोभीपापीहरुको घडा हो । जुन घडा फुट्दा संघीयता र धार्मिक विवाद बढेर रगतको खोलो बग्ने खतरा देखिदैछ । पहिले बाइसे र चौविसे राज्य थियो, एकीकरणपछि एक नेपाल बन्यो । अव संघीयताको खुकुरीले नेपाललाई कित्ताकाट गरेर टुक्य्राउन खोजिदैछ । एक नेपाल र एक नेपालीको शक्ति निर्माण गर्न लोकतान्त्रिक नेताहरु असफल भए । यहा“सम्म कि जनताको असन्तुष्टिलाई सामुहिक रुपमा संवोधन गरेर शान्तिपूर्ण वार्ताको वातावरण बनाउन समेत चार राजनीतिक दलहरुले चासो दिएका छैनन् । लाग्छ, मुलुक एउटा निरंकूशता हटाएर डरलाग्दो निरंकूशतामा प्रवेश गरेको छ । यो अन्धकार यात्राले कतै भीरबाट नेता लडे त केही छैन, मुलुकै झ¥यो र झ¥यामझुरुम भयो भने ?
 


 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com

        E-mail:
 akhabartimes@gmail.com


अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam
(Director)
Editor Team
Mahesh Kumar Sunuwar, Ashok Siwakoti,
Yogendra Chaulagain, Pawan Kumar Tamang,
Ranika Rai Sunuwar, Laxmi Kishori Parajuli, 
Balkrishna Karmacharya, Rita Gurung,
Promise Gurung, Janga Bahadur Bomjan,
Sangita Tamang, Rohini Chhetri
Sunita Thapa