शनिबार, १ मंसिर, २०७५ (Sat, 17 November, 2018)
भेटवार्ता
Sep 15, 2015
नुनको मूल्य बृद्धि नहुँदा संस्था घाटामा गएको सत्य हो
मंगलवार, भाद्र २९, २०७२
लक्ष्मीदाश मानन्धर
अध्यक्ष
साल्ट ट्रेडिङ कर्पोरेशन लिमिटेड



– गत बैशाखमा आएको भूकम्पले साल्ट ट्रेडिङ कर्पोरेशनमा कस्तो क्षति भएको छ र पुननिर्माणको तयारी के छ ?
साल्ट टे«डिङ कर्पोरेशनलाई भुकम्पले त्यति धेरै क्षति पु¥याएको छैन हाम्रो केन्द्रीय कार्यालय लगायतका केही ठाउँ असार परेको छ त्यो भन्दा बढी हाम्रो कर्मचारीको घरमा क्षति भएको छ । तापनि हामीले सदा झै कार्य सम्पादन नियमित गरिराखेका छौं । भूकम्पले क्षति भएका संरचनाहरुलाई पुननिर्माण गर्ने काम अब सुरु गर्दछौं ।

– भूकम्प पीडितहरुका लागि तपाईहरुले घर निर्माण गर्ने कार्य गर्ने भन्ने सुनिएको छ सामाजिक उत्तरदायित्व अन्तर्गत हो कि व्यापार व्यवसाय हो प्रष्ट पारिदिनुस न ?
हो हामी भूकम्प पीडिहरुका लागि कर्कटपाता र घर निर्माण गर्न भारतीय र युएसका कम्पनीहरुसँग साझेदारीमा काम गर्न लाग्दैछौं । तर सामाजिक उत्तरदायित्व भन्दा पनि सामाजिक काममा लागेका छौ भन्दा उपयुक्त होला । नाफा खाने भन्दा पनि भूकम्पको पीडामा मलहम लगाउने प्रयास हो । सामाजिक उत्तरदायित्व बहन गर्दै हामीले र हाम्रा कर्मचारीहरुका तर्फबाट राहत वितरण गर्ने काम गरिएको छ ।

– साल्ट ट्रेडिङले भूकम्पलाई समेत ध्यान दिँदै निर्माण सामाग्रीहरुको आयत तर्फ जाने योजना छ कि ?
त्यसतर्फ हामी लागेका छैनौ । खासगरी भूकम्प पिडितहरुलाई सकेसम्म मद्दत गर्ने काममा चै हामी लाग्छौं ।

– साल्ट ट्रेडिङको मुनाफा कस्तो छ ?
हामीले गत वर्ष मुनाफा सरकारले आयो नुनको मूल्य नबढाइदिएकाले हामीलाई नोक्सान प¥यो यो वर्षमा हामी आशावादी छौ तर हाम्रो संस्था मुनाफा कमाउनमा नलाग्ने संस्था भएकाले खासै नाफा होला भन्ने ठान्दिन । हाम्रो कम्पनी सेवा मुलक र सेवा दिने कम्पनी हो ।

– आयोडिन युक्त नुनमा किन घाटा त ? सरकारको ढुवानीमा अनुदान दिन्छ हैन र ?
सरकारले ढुवानीमा अनुदान उपलब्ध गराईराखेको छ । त्यसैगरी इन्डियन एम्बेसीलेपनि सहयोग गरिरहेको छ । आयोडिन नुनमा भारत सरकारले मद्दत गरेको छ । नुनको मुल्यमा सरकारले बृद्धि गर्न नमान्दा हामीले कतिपनि नाफा कमाउन सकेका छैनौ ।

– साल्ट ट्रेडिङभित्र समस्याहरु चाहि के कस्ता छन् त ?
साल्ट टे«डिङभित्र खासै समस्याहरु छैनन सानातिना समस्याहरु त जहाँपनि पनि हुन्छन् । सेवा दिने संस्था भएकाले राम्रोसँग काम गरौ भन्ने भावना हो त्यही कारणले नुनको क्वालिटीमा पनि सुधार गरेको नुन अभाव हुन नदिने र ढुवानी निरन्तर गरिरहेको अवस्था छ तसर्थ जनताबाट राम्रो रेस्पोन्स पाएको छौ र सरकारबाट पनि स्यावासी पाएकै छ । हुन त हामीले नुनमा एकाधिकार पाएकाले नुनको मूल्यमा बृद्धि गर्न सकिन्थ्यो तर हामीले कहिल्यै पनि आप्mनो रेट बढाएनौ । सरकारसँग नसोधि र परामर्श नगरी त्यो काम हामीले गरेनौ त्यसले गर्दा हाम्रो नाफा समिति छ । २÷४ वर्षसम्म पनि नुनको मूल्य सरकारले नबढाइदिएका कारण गत साल पेमेन्ट दिनपनि हामीले त्यस अघिको जगेडा कोषबाट दिनुप¥यो ।

– साल्ट ट्रेडिङले सुरु गन लागेको कर्कटपाताको व्यवसाय कस्तो होला भन्ने ठान्नुहुन्छ ?
हैन हामीले व्यवसाय नै गर्न लगेको हैनौ । खाली भूकम्प पीडित सहयोगको लागि मात्रै यो काम सुरु गर्न लागेको हौ । त्यसतर्फ हामीले व्यवसाय नै गर्ने गरी सोचेका छैनौ । हामी बरु भुकम्प पीडितहरुलाई राम्रो घर बनाउनमा राम्रो सहर बनोस भनेर युएन कम्पनीसँग सहकार्य गर्दछौ । गाउँहरु पनि सहर जस्तै होस भन्ने हामो चाहनाले यो काममा हामी लागेका चाहि पक्कै हो ।

– कहिलेसम्ममा तपाईहरुले घर निर्माण सुरु गर्नुहुन्छ त ?
भर्खरै सम्झौता भएको छ । १–२ महिनापछि काम सुरु होला । हाम्रो मेजोरेटी होइन, हामी सरिक भएर काम गर्न लागेका छौं ।

– अन्त्यमा साल्ट ट्रेडिङ कर्पोरेशनका उपभोक्ताहरुलाई वार्षिक उत्सवको अवसरमा केही भन्न चाहनुहुन्छ कि ?
उपभोक्ताहरु हामीसँग भन्नुस वा हाम्रो सेवाबाट सन्तुष्ट छन भन्ने हामीलाई लागेको छ । किनभने हामीले अहिलेसम्म केही सामाग्रीको अभाव हुन दिएको छैन । क्यालिटीमा पनि हामीले उति नै सुधार गरेर काम गरेका छौं । भूकम्पमा पनि हामीले हाहाकार हुन दिएनौ । अरु इन्डियाको भन्दा सस्तो मूल्यमा समेत बिक्री गरेका छौ । आवश्यक सर सल्लाह सुझावलाई हामी सबै स्वागत गर्दछौं ।

– वार्षिक उत्सव कसरी मनाउँदै हुनुहुन्छ त ?
सामान्य औपचारिक कार्यक्रम गर्ने सोचमा छौ । तामझाम गरेर हामीले कहिल्यै वार्षिकउत्सव मनाउँदैनौ ।

– कम्पनीले नाफा लिदैन भन्नु भो कसरी संस्था चल्छ त ?
नाफा खाँदै खाँदैनौ भनेका छैनौ थोरै खान्छौ । अर्बौ रुपैयाँको कारोबार गर्दा हाम्रो नाफा भनेको १–२ प्रतिशत मात्रै नाफा राख्ने हो । अर्कोको काम गर्नुको हिसावमा त हामीले कति नाफा लिन सक्थ्यौ तर हामीले गरेनौ ।

– ५ प्रतिशत नाफा त जसले पनि राख्दछन् भन्छन् नि ? १–२ प्रतिशत नाफा राख्छौ भन्ने कुरामा कसरी विश्वास गर्ने ?
ठूलो काम छ । १–२ प्रतिशत नाफाले पनि कम्पनी सञ्चालन भएको छ । त्यहि नाफाबाट बोनस अलि अलि खुवाउन सकेको हो । वर्षेअघि हामीले किनिराखेको जग्गाको मुल्य आजको दिनमा त्यसको भ्यालु धेरै भएकाले मात्रै यो कम्पनी अड्न सकेको हो । त्यही जग्गा हामीले कालीमाटीमा १३ लाखको दरमा किनेकोमा अहिले अर्बौ रुपैयाँ पुगेको छ त्यस्तो तरिकाले हामीले टिकेका हौं । नाफाले होइन । अहिलेपनि साल्ट्र टे«डिङको पूँजी ७ करोड हो तर हामी अर्कोको काम गरी राखेका छौ । जगेडा २ अर्ब पुगिसकेको छ । सकेसम्म पूँजी पनि बृद्धि गर्ने सोचमा छौ । हामी त बैंकको लोनले काम गरिराखेको छौ नि ।




 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Desk Editor Team
Laxmi Kishori Parajuli, Ashok Siwakoti,
Yogendra Chaulagain, Mahesh Kumar Sunuwar, 
Subash Chamling Rai, 
Balkrishna Karmacharya, 
Milan Gurung,
Promise Gurung, Karna Bahadur Ghale,
Sangita Tamang, Rohini Chhetri,
Pawan Kumar Tamang, Mira Tamang Yonjan