शुक्रबार, ५ असोज, २०७५ (Fri, 21 September, 2018)
भेटवार्ता
Jul 10, 2016
नेविसंघको पुरानो साख जोगाउन सभापतिमा मेरो उम्मेदवारी
आईतवार, आषाढ २६, २०७३
नेपाल विद्यार्थी संघको महाधिवेशन यही साउन २३, २४ र २५ गते हुने भएको छ । यस महाधिवेशनमा नेपाल विद्यार्थी संघका पूर्व–कोषाध्यक्ष कुन्दनराज काफ्ले संघका सभापतिका प्रत्यासी हुन् । विद्यार्थी राजनीतिमा प्रभावशाली व्यक्तित्वका रुपमा परिचित काफ्लेले ०६२÷६३को जनआन्दोलनमा पनि सक्रिय भूमिका निर्वाह गर्नुभएको थियो । लोकतान्त्रिक जनआन्दोलनमा राजाविरोधी प्रतीकात्मक आन्दोलनहरु गरेर चर्चामा आएका विद्यार्थी नेता हुन्, काफ्ले । कहिले राजाको प्रतीकका रुपमा कुकुर अभिनन्दन त कहिले गणतन्त्रका पक्षमा नमूना जनमत संग्रह गराएर कुन्दनले आन्दोलनमा ऊर्जा थपेका थिए । काफ्ले इमानदार, स्वच्छ छवि र स्पष्ट भिजन भएका विद्यार्थी नेताको रुपमा सबैमाझ लोकप्रिय हुनुहुन्छ । उनी सभापतिका प्रत्यासी काफ्लेसँग नेविसंघको महाधिवेशन, नेपालको शिक्षा क्षेत्रलगायत विषयमा आधारित भएर गरिएको कुराकानीः

– लामो समयपश्चात् नेपाल विद्यार्थी महासंघको महाधिवेशन हुन लागेको छ, तयारी कस्तो भइरहेको छ ?
नेपाल विद्यार्थी संघको महाधिवेशन १० वर्षपश्चात् हुन लागिरहेको छ । यद्यपि यस महाधिवेशनमा ४१ जिल्लाहरुको विधिवत् रुपमा महाधिवेशन प्रतिनिधिहरुको चयन हुनसकेको छैन । विविध समस्याहरुका बीचमा हामी सबै संघको विधिसम्मत रुपमा महाधिवेशन गराउन निरन्तर रुपमा लागिरहेका छौँ । अबको नेतृत्व चयन, नेविसंघको सैद्धान्तिक अवधारणा तयार गर्ने, आगामी एजेण्डा आदिका बारेमा हामी गम्भीर बहस र छलफल चलाइरहेका छाँै । यसका लागि संघका सम्पूर्ण साथीहरुमाझ सौहार्दपूर्ण वातावरणमा छलफल तथा सल्लाह÷सझुावको प्रक्रियामा रहेका छौँ ।

– संघमा चरम गुटगत विभाजन छ भन्ने आरोप छ नि ?
लोकतान्त्रिक पद्धतिअनुसार संघमा वैचारिक विविधता हुनु कुनै नराम्रो पक्ष होइन । लोकतन्त्रमा हरेक पक्षहरुले आफ्नो विचार स्वतन्त्र रुपमा राख्न पाउने व्यवस्था हुन्छ । तर गुट संगठनका नाममा अस्वस्था प्रतिस्पर्धा र आफ्नो दायित्वभन्दा विचलित हुने कार्य राम्रो होइन । जस्तै, विद्यार्थी संगठनहरुकै कुरा गर्दा पनि उनीहरुले उठाउनुपर्ने विषयहरु उठाउन नसकेको महसुस हुन्छ । हालसालै ललिपुरमा प्लटिङ गरिएको एक पर्खाल भत्किँदा त्यसको नजिकै रहेको विद्यालयको गाह्रो भत्किएर कलिला बच्चाहरुले ज्यान गुमाउनुप¥यो । यस्तो समयमा खोइ विद्यार्थी संगठनहरुको भूमिका ? यहाँ विद्यार्थी संगठनहरुले पनि आफ्नो भूमिका निर्वाह गर्न सकिरहेका छैनन् ।

– नेविसंघले चाहिँ उक्त घटनामा के भूमिका खेल्यो त ?
हामीले सामाजिक सञ्जाललगायत सबै क्षेत्रबाट सशक्त आवाज उठाएका छाँै । विद्यालय क्षेत्रहरुमा भइरहेका लापरबाहीलाई उजागर गर्दै दोषी पक्षलाई कडा कारबाही गर्न माग गरेका छाँै । त्यस्तै, त्यस घटनामा छानबिन कमिटी गठन गरी आवश्यक अनुसन्धान गर्न र कारबाहीको निर्देशन गर्न पनि हामीले सम्बन्धित निकायसँग जोडदार माग राखेका छौँ । यति मात्र होइन, देशभर रहेका अन्य विद्यालयहरुको पनि भौतिक अवस्था, सुरक्षाको स्थितिलगायतका पक्षमा पनि राज्यको गम्भीर ध्यानाकर्षण हुनुपर्ने आवाज उठाएका छाँै ।

– नेविसंघले शैक्षिक क्षेत्रमा उल्लेखनीय काम गर्न सकेन भन्ने आरोप छ नि ?
नेपालकै सबैभन्दा पुरानो लोकतान्त्रिक पार्टी नेपाली कांग्रेस हो र यस पार्टीको एउटा भातृसंगठनको रुपमा नेविसंघको आफ्नो छुट्टै गौरवशाली इतिहास रहेको छ । नेपालमा भएका राजनैतिक, सामाजिक परिवर्तनका आन्दोलनहरुमा नेविसंघकै सक्रियतामा सम्पन्न भएका छन् । देशलाई राजनीतिक रुपमा एउटा गति दिन नेविसंघले विगतदेखि नै एउटा जिम्मेवार युवाशक्तिको रुपमा भूमिका निर्वाह गर्दै आएको छ । तर अब देशमा शैक्षिक क्रान्तिको जरुरी रहेको छ । अहिले देशमा धनी र गरिबबीचको शैक्षिक पहुँच र अवस्थिति आकाशपातालको रुपमा फरक रहेको छ । आज देशमा भौगोलिक रुपमा नै शैक्षिक क्षेत्रमा असमानताहरु देखिएका छन् । जुम्ला, हुम्ला र नेपालगञ्जबीच नै तुलना गर्ने हो शिक्षामा असमानता देखिन्छ । शिक्षामा कपी पेस्टको चलन आएको छ । यस्तो अवस्था सुधार गर्नका लागि अब नेविसंघको ११औं महाधिवेशनपश्चात् संघले त्यसतर्फ भूमिका खेल्नेछ । आज नेपालमा छोराछोरीको शिक्षाबाट आमाबुबाहरु ढुक्क हुन सकेका छैनन् । त्यसकारण अध्ययनकै लागि भनेर युवाहरु विदेशिरहेका छन् । अब नेविसंघले त्यस्ता समस्याहरुको निराकरण गर्न नै नेपालमा नै गुणस्तरीय शिक्षा प्राप्तिका लागि पहल गर्नेछ । त्यसका लागि पहिलो त नेपालमा शिक्षा प्रणाली सुधारका लागि धेरै रिसर्च सेन्टर खोलिनुपर्छ । धेरै नेपाली एक्स्पोर्ट निकाल्नुपर्छ । १०, ५० र १०० वर्षका लागि हाम्रो शिक्षा प्रणाली कस्तो हुनुपर्छ ? त्यो विषयमा छलफल आवश्यक छ । सम्पन्न र समृद्ध नेपाल बनाउन आवश्यक छ । सबै प्रान्त, जिल्लामा रिसर्च सेन्टर खोलिनुपर्छ । त्यहाँ कुन जनशक्ति आवश्यक हो ? कस्तो नैतिकवान् विद्यार्थी उत्पादन गर्ने ? कस्तो राष्ट्रियता भएको विद्यार्थी उत्पादन गर्ने ? नेपालमा कस्तो इन्जिनियर आवश्यक हो ? कुन रोगको डाक्टरको आवश्यक बढी छ ? ती सबैमा ध्यान दिनुपर्छ ।

– महाधिवेशनमा फर्जी प्रतिनिधिहरुको संख्या देखियो भन्ने आवाज उठेको छ, यसमा के भन्नुहुन्छ ?
हो, महाधिवेशनमा केही जिल्लाहरुका प्रतिनिधिहरुको विधिवत् चयन हुनसकेको छैन । त्यस्तै, केही फर्जी प्रतिनिधिहरुको पनि उपस्थिति देखिएको छ । यस्तो हुनु भनेको नेविसंघको साख र गौरवशाली इतिहासविरुद्धका गतिविधि हो । यसमा पार्टी नेतृत्व र संघका सबै साथीहरु गम्भीर हुन आवश्यक छ । यदि पार्टीमा यस्ता अवैध गतिविधिहरु भएमा पार्टी रुपान्तरण, हाम्रा राजनैतिक, शैक्षिक एजेण्डाहरु आझेलमा पर्न जाने र पार्टीमा गलत तत्वहरु हावी हुने सम्भावना बढ्छ । जुन इमानदार पार्टीका सदस्यहरुका लागि कदापि मान्य हुनेछ नै । जसका लागि हामी सधंै आवाज उठाइरहेका छौँ खबरदारी गरिरहेक छाँै ।

– महाधिवेशनमा पार्टीले पदाधिकारी भागबण्डा गर्ने कुरा आएको छ नि ?
जहाँसम्म लाग्छ, पार्टीबाट यस्तो भागबण्डाको वातावरण सिर्जना हुने छैन । किनभने पार्टीले लोकतान्त्रिक पद्धतिलाई अंगीकार र आत्मसात् गर्दै आएकोले लोकतान्त्रिक पद्धतिबाट संघमा नेतृत्व चयन हुनु राम्रो हुनेछ । हामी सुरुमा नेविसंघमा लाग्दा संघमा नेतृत्व, कार्यक्रम, एजेन्डाका कुरा हुन्थ्यो । संघको नेतृत्वले गलत गरेका कारण बारम्बार यस्ता गल्ती दोहो¥याएका कारण हाम्रो बल नेतृत्वको काँधमा गएको हो । नेविसंघ राम्रो हुँदा, सही नेतृत्व हँुदा राजनीतिक दलका नेताले गलत काम गर्दा नेविसंघले औंला ठड्याउँथ्यो । हामी नेताले गरेको गलत कुराको ‘अब्जेक्सन’ गर्छौं र हामी सही ट्र्याकमा ल्याउन सक्षम बनाउँछौं । त्यस्तो संघ निर्माण हाम्रो अभियान हो । संघले नचलेको खण्डमा बिग्रेका कुरा गर्नुभयो । नेविसंघ अबको ११औं अधिवेशनबाट सक्षम र सबल बन्छ । त्यो सक्षम र सबल नेविसंघले नेतृत्वलाई सही ट्र्याकमा ल्याउँछ । त्यो कुरा म विश्वास दिलाउन चाहन्छु ।

– यस महाधिवेशनमा तपाईं कुन पदको उम्मेदवार हुनु हुन्छ र तपाईको उम्मेदवारी केका लागि ?
नेविसंघको ११आंै महाधिवेशनमा मेरो सभापतिको लागि उम्मेदवारी रहनेछ । नेविसंघको पुरानो साख जोगाउनका लागि पनि मेरो नेतृत्व आवश्यक छ । सही नीतिका लागि संगठनमा सही नेतृत्वको आवश्यकता हुन्छ । पञ्चायतकालमा नेपाल विद्यार्थीलाई थुन भन्दा, नेपाल विद्यार्थी भनेर कसरी चिन्ने भनेर सोधिन्थ्यो । उत्तरमा जसको उच्च शिर छ, जसको आत्मबल दह्रो छ, जसले देशको स्वाभिमान र स्वाधीनताका लागि जस्तोसुकै बलिदानी दिन तत्पर रहन्छ, तिनै नेविसंघ हुन् भनेर बताइन्थ्यो । हो नेविसंघको त्यो छवि पुनर्जीवित गर्नका लागि सभापतिमा मेरो उम्मेदवारी हो । विधिविधानभन्दा व्यक्ति ठूलो हुनहुन्न, सबैभन्दा ठूलो विधि र संघ हो र व्यक्ति त्यसपछि भन्ने मेरो मान्यता हो । हिजो देशमा संघीयता, गणतन्त्र ल्याउनका लागि कुकुर अभिनन्दनलगायतका अभियानमार्फत जनताको पक्षमा आवाज उठाउने हाम्रो नेतृत्व संघलाई आवश्यक परेको छ । देशमा शैक्षिक क्रान्तिको आवश्यकता छ । आज आमाबुबालाई आफ्नै छोराछोरीको शिक्षाप्रति भरोसा छैन । मेरै नेतृत्वमा नेविसंघले ती एजेण्डा उठाउन विश्वास दिलाउन चाहन्छु । मसँग नेपालको शैक्षिक क्रान्तिको लागि एजेण्डा छन्, तिनलाई कार्यान्वयन गर्ने हिम्मत छ । त्यसकारण पनि म सभापतिको लागि दाबेदारहँु ।

– अन्त्यमा भन्नैपर्ने केही कुरा...
नेविसंघको जुन गर्विलो इतिहास छ, त्यसको निरन्तरताका लागि पनि नेविसंघमा मेरो नेतृत्व आवश्यक छ । संघमा विधिविधानको पालना र शैक्षिक क्रान्तिको मेरो एजेण्डालाई अघि बढाउन नेविसंघका सबै साथीहरुलाई सहयोगका लागि आह्वान गर्दछु ।
- सुशासन न्यूज साप्तहिकबाट



 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Desk Editor Team
Laxmi Kishori Parajuli, Ashok Siwakoti,
Yogendra Chaulagain, Mahesh Kumar Sunuwar, 
Subash Chamling Rai, 
Balkrishna Karmacharya, 
Milan Gurung,
Promise Gurung, Karna Bahadur Ghale,
Sangita Tamang, Rohini Chhetri,
Pawan Kumar Tamang, Mira Tamang Yonjan