बिहीवार, २९ कार्तिक, २०७५ (Thu, 15 November, 2018)
खेलकूद
Aug 23, 2016
नवौं एलए जेटीआई अन्तरविद्यालय जुनियर खुला टेनिसमा संरक्षक र मायांका च्याम्पियन
मंगलवार, भाद्र ७, २०७३
काठमाडौं : शुभताराका संरक्षकभूषण वज्राचार्य र द ब्रिटिस स्कुलकी मायांका राणा नवौं एलए जेटीआई अन्तरविद्यालय जुनियर खुला टेनिस प्रतियोगिताको यु–१६ सिंगल्समा मंगलबार च्याम्पियन बनेका छन् ।

हातीवनस्थित आयोजक लिटिल एन्जल्स (एलए) को कोर्टमा भएको ब्वाइज फाइनलमा संरक्षकले सेन्ट जेभियर्सका प्रणव खनाललाई ६–२ र ६–४ को सोझो सेटमा पराजित गरे । एलएका अभिनव आचार्य र नेपाल प्रहरी स्कुलका प्रमोद बुढाथोकी तेश्रो भए ।

गल्र्सको उपाधि भिडन्तमा मायांकाले ब्रिटिसकै एनी माथेमालाई ७–६ र ६–३ को सोझो सेटमा हराइन् । ब्रिटिसकी माहिका राणा र पेनउडकी इरा रावत संयुक्त रुपमा तेश्रो भए ।

सेन्ट जेभियर्सका अदित सुवेदीले फाइनलमा पेनउडका अकी जुवेन रावतलाई ६–१ र ६–० को सीधा सेटमा निराश पार्दै यु–१२ ब्वाइज सिंगल्स उपाधि जिते । प्रहरीका निश्चल अधिकारी र अक्षराका आदित्य सुवेदी तेश्रो भए ।

सो स्पर्धाको गल्र्समा एलएकी सलोनी तामाङले बाजी मारिन । फाइनलमा सलोनीले सेन्ट जेभियर्सकी ईशाश्री शाहलाई ६–१ र ६–२ ले पन्छाइन् । विद्यासंस्कारकी रायना शाह र एलएकी शुभाङ्गीलक्ष्मी शाह तेश्रो स्थानमा रहे । ईशाश्रीले मंगलबारै सेमिफाइनलमा एलएकी शुभाङ्गीलक्ष्मी शाहलाई ६–१ र ६–२ ले हराउदै सलोनीसँग फाइनल भेट पक्का गरेकी थिइन् ।

एलएकी शुभाङ्गी शाह यु–१० गल्र्स सिंगल्समा च्याम्पियन बनिन् । शुभाङ्गीले फाइनलमा काष्ठमण्डपकी अजा रेग्मीलाई ८–२ ले पाखा लगाइन् । सेन्ट मेरिजकी इभा अधिकारी र जोन डेवीकी आइशा डोल्कर गुरुङ तेश्रो बने ।

यु–१० ब्वाइज सिंगल्समा सेन्ट जेभियर्सका आरभसम्राट हाडा र पेनउडका अकी जुवेन रावत उपाधिका लागि भिड्ने भएका छन् । सेमिफाइनलमा आरभले प्रहरीका सरोज लामालाई ८–२ तथा अकीले अक्षराका आदित्य सुवेदीलाई ८–० ले पराजित गरे । प्रतियोगिताको अन्तिम दिन यु–१० ब्वाइज तथा यु–१४ ब्वाइज÷गल्र्स सिंगल्सको फाइनल हुनेछ ।






 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Desk Editor Team
Laxmi Kishori Parajuli, Ashok Siwakoti,
Yogendra Chaulagain, Mahesh Kumar Sunuwar, 
Subash Chamling Rai, 
Balkrishna Karmacharya, 
Milan Gurung,
Promise Gurung, Karna Bahadur Ghale,
Sangita Tamang, Rohini Chhetri,
Pawan Kumar Tamang, Mira Tamang Yonjan