बिहीवार, ४ असोज, २०७५ (Thu, 20 September, 2018)
भेटवार्ता
Aug 25, 2016
सस्तोमा घर निर्माण गर्न हामी तयार छौं
बिहीवार, भाद्र ९, २०७३
बलियो घर बनाउनको लागि राम्रो र गुणस्तरीय सामानको आवश्यकता पर्दछ । त्यो सामानको जोहो गर्दै घर बनाउने काम गरि आम नेपालीको मनमा बस्न सफल निर्माण संसार प्रा.लि. घर बनाउन चाहिनेहरुको लागि एउटा विश्वाशिलो आधार बन्दै गईरहेको छ । काठमाडौंको भृकुटीमण्डपमा बिहिबार मात्रै दोस्रो सुरक्षित घर निर्माण सम्बन्धि बृहत प्रदर्शनी सकिएको छ । भदौ ३० देखि सुरु भएको सो प्रदर्शनीमा घरायसी कामकाजका लागि चाहिने सम्पूर्ण सामग्रीहरुको प्रदर्शनी राखिएको थियो । विभिन्न घर निर्माणका लागि चाहिने सामग्रीको आयात तथा निर्यात गर्दै आईरहेको निर्माण संसार प्रा.लि.ले पनि आफ्नो संस्थाको कामको बारेमा जानकारी दिन स्टल राखेको थियो । त्यसै अवसरमा संस्थाको कामको विषयमा जानकारी लिन संस्थाका प्रबन्ध निर्देशक नारायण रेग्मीसँग गरिएको कुराकानीको सम्पादित अंश  :

– निर्माण संसारको काम के हो ?
यो एउटा घर बनाउन चाहिले सम्पूर्ण सामग्री जोहो गर्ने र घर निर्माण गर्ने संस्था हो । जसले सस्तो मुल्यमा आकर्षक घर निर्माण गर्न सक्षम र सवल रहेको कुरा म आम उपभोक्ता माझ राख्न चाहन्छु । विगत २० वर्षदेखि यही काममा लागि परेको हुनाले अहिले बजारमा हाम्रो संस्थाले गरेको कामको मुल्यांकन उपभोक्ताले राम्रै गरिरहेको मैले पाईरहेको छु ।

– कस्तो खालको घर निर्माण गरिराख्नुभएको छ ?
हामीले न्यनतम मुल्यमा राम्रो घर निर्माण गर्ने गरेका छौ । विशेषतः भूकम्पपछि हामीले भूकम्प प्रतिरोधी घर निर्माणको लागि काम थालनी गरेका छौं । हामीले कम शुल्कमा गुणस्तरीय घर निर्माणका लागि जुन काम गरिरहेका छौं आम उपभोक्ताले त्यो मन पराईराख्नुभएको महशुस गरेका छौं । त्यो नै हाम्रो सम्पत्ति हो भन्ने ठानेका छौ ।

– निर्माण संसारले अहिले कहाँ–कहाँ घर बनाईरहेको छ ?
भूकम्पपछि हामीले विभिन्न जिल्लामा काम गरिरहेका छौं । जस्तो की काभ्रे, दोलखा, सिन्धुपालचोक, रसुवा, काठमाडौंमा त्यस्तो घर बनाएका छौं । अहिले हामीले बनाएको घरलाई मन पराईदिएर घर बनाउनको लागि आवश्यक सहयोग माग्न आउनेको संख्या बढ्दो मात्रमा रहेको छ । हामीले रसुवामा हाम्रै स्रोत र साधनबाट निःशुल्क रुपमा हेल्थपोष्ट बनाउने काम गरिरहेका छौं । केही हस्तान्तरण पनि गरिसकेका छौं । त्यस्तै काठमाडौमा रहेको स्पार्क हेल्थ होम हस्पिटलको भवन पनि हामीले नै तयार गरेका हौं भने गोदावरीमा रहेको आशा नेपाल नामक संस्थाको भवन पनि हामीले नै तयार गरेका हौं ।

– एउटा भूकम्प प्रतिरोधी घर बनाउन कति समय र खर्च लाग्छ ?
हामीले चार कोठाको एउटा भवन बनाउन ३० दिन लाग्छ । जुन १० लाख देखि बढीमा १६ लाखसम्ममा तयार हुन्छ । साउण्ड प्रुफ, आगोले नटिप्ने, रंग रोगन गर्नु नपर्ने, काठभन्दा आधी सस्तो हुन्छ । वर्षौसम्म ढुक्क र आकर्षक देखिने खालको हुन्छ । त्यस्तै एसी चलाउदा कम बिजुली खपत हुने, सफा गर्न झन्झट नहुने, किरा धमिराले नखाने र फुट्ने सम्भावना नभएको हुन्छ । त्यति मात्र नभई घाम पानी र तातो चिसोले केही फरक नपार्ने खालको हुन्छ ।

– यस प्रदर्शनीमा अवलोकनकर्ताको प्रतिक्रिया कस्तो पाउनुएको छ ?
हामीले आशा गरेभन्दा बढी राम्रो प्रतिक्रिया पाएका छौं । प्रदर्शनी भएको पहिलो दिनदेखि आजसम्म सात हजारभन्दा बढीले अवलोकन गर्नुभयो होला सबैले राम्रै मानेर जानुभएको छ । भने दुई सयभन्दा बढीले त घर निर्माणको लागि नाम समेत लेखाएर जानुभएको छ । यसबाट हामी झनै उत्साहित भएका छौ ।

– तपाईहरुले घर निर्माण मात्रै हो की सामान पनि बेच्नुहुन्छ ?
हामीले घर निर्माणका लागि चाहिने सबै सामान आयात, निर्यात दुवै गरिरहेका छौं । हाम्रो सामान देशका विभिन्न जिल्लामा बिक्री वितरण गरिरहेका छौं, जस्तो अहिले गोरखा जिल्लामा हामीले उत्पादन गरेका सामानको माग बढी रहेको छ । त्यसका अलावा देशका थुप्रै जिल्लाहरुमा हामीले सामान बिक्री गरिरहेका छौ ।

– तपाईहरुले ती सामानहरु कहाँबाट ल्याउनुहुन्छ ?
हामीले घर निर्माणका लागि चाहिने सामानहरु मित्र राष्ट्र चीन र भारतबाट आयात गरिरहेका छौ ।

– अन्त्यमा केही भन्नु हुन्छ की ?
आम नेपाली दाुजुभाईहरुको घर निर्माणका लागि चाहिने सबै सामानहरु हामीले सस्तो मुल्यमा उपलब्ध गराईरहेका छौं भन्न चाहन्छु । त्यस्तै तपाईहरुलाई घर निर्माणका लागि सामग्री दिने मात्र नभई घर निर्माण पनि एकदमै सस्तो मुल्यमा गरिदिने गरेको कुरा जानकारी गराउन चाहन्छु । यसको लागि काठमाडौंको सुकेधारामा रहेको कार्यालयमा आई थप जानकारी लिई दिनुहुन पनि आग्रह गर्न चाहन्छु ।






 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Desk Editor Team
Laxmi Kishori Parajuli, Ashok Siwakoti,
Yogendra Chaulagain, Mahesh Kumar Sunuwar, 
Subash Chamling Rai, 
Balkrishna Karmacharya, 
Milan Gurung,
Promise Gurung, Karna Bahadur Ghale,
Sangita Tamang, Rohini Chhetri,
Pawan Kumar Tamang, Mira Tamang Yonjan