बिहीवार, ३१ श्रावन, २०७५ (Thu, 16 August, 2018)
विचार
Dec 23, 2016
अर्थभित्रको राजनीति
शुक्रबार, पौष ८, २०७३
आखिर पूर्वराजाले ज्ञानेन्द्रले जे बोले त्यो नै वास्तविक सत्य हो । सत्य माथि पर्दा हालेर असत्यलाई लुकाउन सकिदैन भन्ने सन्देश पूर्व राजा ज्ञानेन्द्रले दिएका छन् । उनले पुष ६ गते जारी गरेको बक्तव्यमामाथि राजनैतिक दलका नेताहरुबाट अनेकौ टिका टिप्पणी हुन सक्छ ।

राजनीतिका पण्डित र विश्लेषकहरुले निधार खुम्च्याएर बिश्लेषण पनि गर्ने नै छन् । तर पूर्व राजा ज्ञानेन्द्रले बोलेका कुरा आम नेपालीको बुझाई मात्र नभई भोगाई र यथार्थ पनि हो । पूर्व राजा ज्ञानेन्द्र यति बेला राजा होईनन् । एउटा सामान्य नेपाली नागरिक सरह नै हुन । उनले बोलेका कुरा हरेक शब्द शब्दले अर्थ र माने राख्छ । तर उनले जनताको हैसियतमा बसेर बोल्नै नपाउने होईन । उनको पनि अरु नेपाली सरह बोल्न पाउने नागरिक हक अधिकार छ ।

त्यसमा कुनै राजनीतिक दलका नेता र दलालहरुले आपत्ति जनाउन पर्ने कारण छैन । पूर्व राजाको बोल्ने, लेख्ने स्वतन्त्रतालाई कसैले रोक्न सक्दैन । त्यसका लागि कुनै साईत र मुहर्त निकालेर बोल्नु पर्दैन । आम नेपालीले देखे भोगेका छन् । यसलाई वेमौसमी बाजा भनेर टिप्पणी गर्नेहरुले मौसमको बाजा बजाई रहँदा मुलुक भड्खाँलोमा गएको देखेका छैनन् र ? पार्टीगत र दलगत स्वार्थको चश्मा लगाएर होईन की त्यो भन्दा माथि उठेर राष्ट्रिय स्वार्थबाट हेर्ने हो ।

हो पूर्व राजा ज्ञानेन्द्रको बक्तव्यमा आउनु निश्चित रुपले अर्थपूर्ण छ । त्यसका पछाडि अनेकौ राजनैतिक उद्देश्य र तथ्य होलान तर पहिले त्यहाँ राष्ट्रिय एकता अखण्डता र सद्भाव भन्दा फरक नपर्ला । त्यो कुरालाई कसैले पनि ईन्कार गर्न सक्ने ठाँउ छैन । सत्य एउटै हुन्छ झूठ हजार हुन्छन् । पूर्व राजाले एउटा सत्य बोल्दैमा हजारौ झूठ र झूठका खेती गर्नेहरु कसरी तरंगीत हुन पुगेका छन् ।

किनभने क्रान्तिकारी, परिवर्तनकारी, वलीदानी अािद शब्द भावको दुरुपयोग गर्दै राष्ट्रलाई कमजोर पार्ने, राष्ट्रिय गौरव मेट्नेहरुलाई उनको एउटै बक्तव्यले यति ठूलो झड्का दिन्छ भने उनी सत्य र यथार्थको धरातलमा उभिएर बोलका छन् भन्ने बुझ्नुपर्दछ । त्यसमा नेपाल र नेपालीको राष्ट्रिय एकता अखण्डता र देश भक्तिको भाव जोडिएको छ । यसमा कसैले बिचल्ली हुनुपर्ने र कोकोहाल मच्चाउनुपर्ने कारण छैन ।

कुनैपनि नेताहरुले जनतालाई गणतन्त्र आयो भनेर बिश्वासमा लिन सकेको छैन । यो त जुत्ताको विज्ञापन जस्तो आयो लौ के आयो ? भन्दा नेपालमा रकेट ‘सु’ आयो भने जस्तो उल्लु बनाउने काम मात्र भएको छ । गणतन्त्ररुपी जहाज डुबी सकेको अवस्थामा पूर्व राजाको एउटा वक्तव्यले राजतन्त्र फर्किहाल्छ भन्ने पनि होईन । तर राजनैतिक दलका नेताहरुलाई भने राजाको वक्तव्य माथि राजनैतिक खेती गर्ने सुवर्ण अवसर चाहि प्राप्त भएको छ ।

तर नेपाली जनता अब नेतालाई नै पत्याउन छोडेको अवस्थामा तिनका कुरालाई सहज रुपले पत्याउने छैनन् । पूर्वराजाको वक्तव्य बुझ्नेलाई श्रीखण्ड नबुझ्नेलाई खुर्पाको बिड छ । भाषा र शब्दावली मूर्त छ कि अमूर्त छ ? त्यसको सोझो जवाफ पनि त्यहि वक्तव्य भित्र मूर्त रुपमा स्पष्ट शब्दमा छ ।

नेपाली शब्दकोष भित्रबाट नेपाली भाषा मै लेखिएको शब्दावलीहरुलाई देशका दिग्गज भन्नेहरुले छुट्याउन र बुझ्न सक्दैनन भने के पत्रकारिता र बिश्लेषण गरेर बस्छन ? खेत जोत्न गए हुन्छ । पूर्व राजाको वक्तव्य मूर्त र अमूर्त भन्ने नै छैन । जे छ त्यसैमा छ । आम नेपालीले देखे भोगेको यथार्थपूर्ण पिडा र देश भक्तिले ओतप्रोत भएको जीवन्त भाव छ । के पूर्व राजाले गणतन्त्र र संघीयताले देश बिखण्डनको अवस्थामा पुग्दा पनि बोल्न पाउदैनन् ? बोल्दा आगोमा घिउ थपेको हुन्छ ? यदि हुन्छ भने त्यो आगो कसले बाल्यो ? हो समय भड्की सकेपछि पश्चातापले कुनै अर्थ राख्दैन ।

पूर्व राजा ज्ञानेन्द्रको अभिव्यक्तिले अहिलेको राजनीतिक स्थिरताबाट असहैय भएको स्पष्ट हुन्छ । अरु नेपालीलाई वर्तमान राजनैतिक अवस्थाले पनि जति पोलेको छ, नेपाल दुखेको छ, त्यो भन्दा कम पूर्वराजाका हैसियतले नागरिक जीवनमा बस्दा उनलाई पनि पोल्नु दुख्नु स्वभाविक हो । देशको अक्षत अस्तित्व भन्ने शब्दले अखण्ड नेपालको भाव प्रकट गर्छ । संघीयताको विरोध होईन । संघीयता त के संविधान नै कार्यान्वयन नभएको अवस्थामा संघीयता सिमा निर्धारण, निर्वाचन कहाँ भएको छ र ?

पूर्व राजाको कारण संविधान नबनेको होईन । राजनैतिक दलहरु असफल भएका कारण संविधान कार्यान्वयन नभएको हो । मुलुक भन्दा ठूलो राजनैतिक दल र नेताहरु हुँदैनन् । देशलाई भड्खालोमा हाल्नेहरु अग्रगामी र त्यसमाथि खबरदारी गर्ने प्रतिगामी हुन्छ ? यो कस्तो विश्लेषण हो ? गणतन्त्र मासिए राजतन्त्र फर्किएला नफर्किएला त्यो भोलिको अवस्थाले देखाउला । खबरदारी गर्ने जिम्मा निर्मल निवासको मात्र होईन ३ करोड नेपालीको पनि हो भन्ने कुरा सबैले बुभ्mनुपर्छ । क्रिश्चियन राजमार्ग खनेर विदेशी कार्ड खेलिदा राजनैतिक खेलाडीहरु भन्नेहरुको हालत जनतासामु के छ ? समग्रमा जे देखे त्यो बोले । पूर्व राजाको बोली र शब्दमा अर्थ छ ।

 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com

        E-mail:
 akhabartimes@gmail.com


अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam
(Director)
Editor Team
Mahesh Kumar Sunuwar, Ashok Siwakoti,
Yogendra Chaulagain, Pawan Kumar Tamang,
Ranika Rai Sunuwar, Laxmi Kishori Parajuli, 
Balkrishna Karmacharya, Rita Gurung,
Promise Gurung, Janga Bahadur Bomjan,
Sangita Tamang, Rohini Chhetri
Sunita Thapa