शनिबार, १२ जेष्ठ, २०७५ (Sat, 26 May, 2018)
मनोरञ्जन वार्ता
Feb 26, 2017
मेरो जीवन एउटा खुल्ला किताव हो
आईतवार, फागुन १५, २०७३

नेपाली सांगीतिक क्षेत्रको भिडमा गीतकार एवं संगीतकार महेश ज्ञवाली स्थापित नाम हो । सांगीतिक आकाशमा अहिले नयाँ तथा पुराना गायक गायिकाको रोजाइमा पर्दछन उनी । २०४९ सालबाट सांगीतिक यात्रामा लागेका ज्ञवालीसँग अखबारनेपाल डटकमका लागि गरिएको संक्षिप्त कुराकानीको अंशः

– महेश जी तपाईको जीवनी र सांगीतिक यात्रा बारे केही बताइदिनुहोस न ।
मेरो जन्म भैरहवामा भएको हो । मेरो बाल्यकाल र पढाई लेखाई चाहि काठमाडौंमा नै भयो र सांगीतिक क्षेत्रमा चाहि कसरी आएँ भने २०४९ सालबाट मेरो सांगीतिक यात्रा औपचारिक रुपमा सुरु भयो त्यसभन्दा अगाडि पनि गीतहरु गाउने गर्दथे औपचारिकता भने पाएको थिइन । २०४९ सालमा ‘मोती साँझ’ भन्ने एउटा कार्यक्रममा राष्ट्रिय स्तरका कलाकारहरुसँग गीत गाउने मौका पाएँ त्यति बेला मैले नारायण गोपालको गीत र अन्य हिन्दी गीतहरु गाएर मेरो सांगीतिक करियर सुरु भयो ।

– तपाईको बिचारमा संगीत के हो जस्तो लाग्छ ?
मेरो बिचारमा संगीत एउटा पूजा हो । तर धेरै जनाले भने संगीतलाई सौखको रुपमा लिन्छन्, संगीतलाई सौख बनाउने हैन जस्तो लाग्छ मलाई । संगीतलाई पूजा गर्नुपर्छ र पूजा गर्यो भने सरस्वतीको बास हुन्छ जस्तो लाग्छ मलाई र समय अनुसार पनि चल्ने गर्नुपर्छ । मेरो लागि त संगीत जीवनै हो र समग्रमा भन्नुपर्दा अनुशासनलाई बाँध्ने सुत्र भनेको संगीत नै हो ।

– संगीतमा सबैभन्दा सजिलो बिधा के लाग्छ यहाँलाई ?
अब संगीत आफैमा सजिलो बिधा भन्ने कुरा हुँदैन जे कुरालाई सजिलै रुपले लियो भने त सजिलै हुन्छन् हैन यसलाई गहन रुपले लिएर मनन गरी अगाडि बढ्यो भने बल्ल आपूmले चाहेको जस्तो क्वालिटी निकाल्न सक्छौ संगीत गर्दा सन्देशमुलक होस र क्वालिटी होस भन्ने चाहाना हुन्छ । संगीत विधा आफैमा सजिलो त छैन निरन्तरता विश्वासले अगाडि बढियो भने सफलता संगीत जस्तै जे काममा पनि पाउँछौ नि ।

– संगीत पेसामा लागेर कतिको सन्तुष्ट हुनुहुन्छ ?
पेसा भन्दा पनि यस क्षेत्रमा लागेको दुई दशक भयो संगीतबाटै मान सम्मान जीवन यापन चलेको छ सन्तुष्ट त हुन परि हाल्यो मेरो व्यस्तता त एक दुई वर्ष जति भयो किनभने मैले आप्mनै लागि मात्र गर्ने काम नभएको हुनाले पनि सन्तुष्ट छु । भोली गएर अरु केही गर्नु भन्ने छैन केही ग¥यो भने संगीतमा नै छ संगीतमा राम्रो गर्नेलाई राम्रै छ त्यसैले म संगीत पेसाबाट अत्यन्तै सन्तुष्ट छु ।

– अहिलेसम्मको तपाईको अनुभवमा स्थापित गायक गायिका र अहिलेको नयाँ गायक गायिकाहरुसँग पनि काम गरिसक्नुभएको छ यसबीचमा तपाईले के के कुरामा फरक पाउनुभयो ?
मेरो अनुभवले के भन्छ भने नयाँ गायक गायिकाहरु धेरै नै प्रतिभाशाली हुनुहुन्छ । मैले प्रायजसो नयाँ गायक गायिकाहरुसँग काम गरेको छु । अहिलेको अवस्थामा नयाँ प्रतिभाहरु संगीत सिकेर यस क्षेत्रमा प्रवेश गरेको पाइन्छ र व्याकप सहित प्रवेश गरेका हुन्छन् । कतिपयले चाहि संगीत नसिकि आएको पनि पाइन्छ त्यस्ता खालकाहरुले चाहि बजारमा हल्ला फैलाउने काम मात्र गरेको पाइन्छ स्थापित गायक गायिकाहरुले चाहि समयको पालना गर्नुपर्ने जरुरी देखिन्छ फरक यति मात्र हो ।

– नयाँ गायक गायिकहरुलाई तपाईको तर्फबाट अपडेट हुन के सुझाव दिनुहुन्छ ?
सबैभन्दा त आपूmप्रति विश्वास हुनुपर्यो मैले केही गर्न सक्छु भन्ने आपूmमा खुबी हुनु पर्यो । केही गर्न जागरुक हुनेहरुलाई दुई पाइला अघि बढ भन्यो भने बढिहाल्छ । हैन भने सुतेको अभिनय गरेर बस्नेलाई चाहि उठाउन गाह्रो नै हुन्छ । संगीत प्रति लगाव छ भने मेरो तर्फबाट सक्ने जति सहयोग गर्न तयार छु ।

– तपाईको विचारमा जीवन के हो जस्तो लाग्छ ?
मेरो विचारमा त जीवन संगीत नै हो । संगीत बिनाको जीवन अपुरो र अधुरो छ ।

– तपाई कस्तो स्वभावको व्यक्ति हो ?
म चाहि एउटा देख्दामा रुखो र खस्रो स्वभावको देखिन्छु । दिलको हिसावमा कुरा गर्नुपर्दा म एउटा खुल्ला किताव नै हुँ ।

– अन्त्यमा केही छुटेका कुरा भन्न चाहानुहुन्छ कि ?
मेरो अहिले केही गीतहरु रेकर्डिङको क्रममा छन् । हाल चाहि मेरो आइटम गीत ‘बबाल छ’ रिलिजको क्रममा छ जसलाई सना महर्जनले गाएका छन् । मेरै संगीतमा ईन्दिरा जोशीको ‘मोहनी’ भन्ने गीतमा जापानीज गायक साईटाटाईफोनाको आवाजमा तयारी अवस्थामा छ जसमा डा. बलराम गौतमको शब्द रहेको छ । अर्को गीत भने भिडियो सहित रिलिज हुने क्रममा छ ‘पुर्णेको जुन’ बोलको गीतमा गायक उदेश श्रेष्ठ र इन्दिरा जोशीको आवाजमा तयार भएको छ । त्यसैगरी नेपाली कथानक चलचित्र ‘व्याक टु व्याक’को काम पनि गरिरहेको छु । पछिल्लो समयमा म रेबल क्रियशनमा कार्यरत छु र यहिबाट नै मेरो ड्रिम प्रोजेक्टहरु आउने क्रममा छ । जसमा मलाई साथ दिनुहुने सम्पूर्ण टिमलाई धन्यवाद दिन चाहान्छु । विशेष गरी एरेन्जर बाबु प्रधान, किरण तुलाधर, विशाल पौडेल, गगन प्रधान अनि सम्पूर्ण गायक गायिकाहरुलाई धन्यवाद दिन चाहान्छु जसले अहिलेसम्म मलाई प्रमोटको लागि साथ दिईरहनुभएको छ । साथै अखबारनेपाल डटकम परिवारलाई मेरो विचार व्यक्त गर्न दिनुभएकोमा विशेष धन्यवाद दिन चाहान्छु ।

प्रस्तुती : महेश कुमार सुनुवार
 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com

        E-mail:
 akhabartimes@gmail.com


अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam
(Director)
Editor Team
Mahesh Kumar Sunuwar, Ashok Siwakoti,
Yogendra Chaulagain, Pawan Kumar Tamang,
Ranika Rai Sunuwar, Laxmi Kishori Parajuli, 
Balkrishna Karmacharya, Dilman Gurung, Rita Gurung,
Kiran Gurung, Janga Bahadur Bomjan, 
Sangam Gurung, Chandra Bahadur Ghale