शनिबार, ३ कार्तिक, २०७५ (Sat, 20 October, 2018)
मनोरञ्जन वार्ता
Nov 07, 2017
आफूले आफैलाई प्रतिस्पर्धी ठान्दछु : समन अधिकारी
मंगलवार, कार्तिक २१, २०७४
समन अधिकारी
म्यूजिक भिडयो निर्माता, निर्देशक

समन अधिकारी मुलतः सञ्चारकर्मी हुन । सञ्चार कर्ममा पनि उनको रोजाईको क्षेत्र टेलिभिजन हो । उनले नेपालको पहिलो धार्मिक तथा अध्यात्मिक च्यानल भक्तिदर्शन टेलिभिजनमा प्रमुख भएर लामो समय नेतृत्व दिए । त्यस अघि उनले नेपालका नाम चलेका सबै टेलिभिजनहरुमा कार्यक्रम निर्माता तथा अन्य विशिष्ठ भुमिकामा रहेर काम गरे । उनी हाल आफ्नै कारणले प्रशारणमा नरहेको नेशनल टेलिभिजनमा त संस्थापक तथा निर्देशक भएर पनि टिभी कामको अनुभव लिए ।

टेलिभिजनको समाचार तथा मनोरञ्जनको विधामा उनी रचनात्मक कर्मका लागि आफैमा चर्चित छन । टेलिभिजनका अलवा उनी पछिल्लो दशकमा निरन्तर जोडिए म्यूजिक भिडियो निर्माण र निर्देशनमा । ५ सय बढी म्यूजिक भिडियोको निर्माण तथा निर्देशन गरिसकेका समन अब यसलाई मुलधारको कर्म बनाएर अघि बढिरहेका छन ।

नेपालका म्यूजिक भिडियो निर्माता, निर्देशकको सूचीमा शीर्ष स्थानमा सधै रहने गरेका समन अचेल त एक नम्वरमा रहेर व्यस्त हुन थालेका छन । आखिर टेलिभिजन भन्दा पनि बढी आकर्षण के देख्छन उनी म्यूजिक भिडियो निर्माण, निर्देशनमा ? के छन यसका सम्भावना र चुनौति ? यसै सेरोफेरोमा म्यूजिक भिडियो निर्देशक, निर्माता समनसँग गरिएको छोटो कुराकानीकोे सम्पादित अंशः

– तपार्इँ त मिडिया र म्यूजिक भिडियोलाई उत्तिकै रुपमा अघि बढाईरहनु भएको मान्छे अचेल के मा बढी व्यस्त हुनुहुन्छ ?
म अहिले म्यूजिक भिडियोमा बढी व्यस्त छु भने आगामी दिनमा थप केहि प्रोजेक्टको तयारीमा लागेको छु ।

– टेलिभिजन कर्मभन्दा बढी म्यूजिक भिडियो निर्देशन, निर्माणमा तपाईँ केन्द्रित हुनुको कारणहरु बताईदिनुेस न ।
कुरा स्पष्ट छ म टेलिभिजनभन्दा बढी म्यूजिक भिडियोमा रमाउँछु । किनकी आर्थिक रुपमा पनि म्यूजिक भिडियो अब्बल छ भने क्रियशनको हिसावले पनि म्यूजिक भिडियो अगाडि छ । तसर्थ आफ्नो पपुलारिटीको लागि पनि म्यूजिक भिडियो अगाडि भएकोेले म म्यूजिक भिडियो निर्माण तथा निर्देशनमा बढी केन्द्रित छु ।

– हालसम्म कति म्यूजिक भिडियो बनाउनु भो ?
मैले विभिन्न विधाका गीतहरु अनुसार लगभग ५ सय वटा म्यूजिक भिडियोको निर्माण निर्देशन गरिसकेको छु ।

– कस्ता खालका म्यूजिक भिडियोमा तपाई बढी जोड दिनुहुुन्छ ?
म बढी सदावहार हुने सुगम संगीतको गीतको भिडियो बनाउन जोड दिन्छु । हुनत मैले सबै विधाका गीतहरुको भिडियो निर्देशन गरिसकेको छु । जसमा लोक, पप, आधुनिक, राष्ट्रिय गीत, आध्यात्मिक, बाल, हिपहप, लगायत थुप्रै विधाका गीतहरु छन् ।

– बजारमा निर्देशकका रुपमा तपाईँको माग बढेको भनिन्छ नि, हो ?
मेरो कामको व्यस्तता र माग हेर्दा होकी जस्तो लाग्छ । काम गरेर भ्याउन मलाई हम्मेहम्मे नै छ आजकाल ।

– म्यूजिक भिडियो निर्माता तथा निर्देशकका रुपमा तपाईँ महंगो हुनुहुन्छ भन्ने आरोप छ नि ?
हेर्नुस् म यो क्षेत्रमा लागेको लगभग एक दशक भइसक्यो । मेरो रोजी रोटीको मुख्य आधार पनि यहि क्षेत्र हो । तसर्थ मैले मेरो जिम्मेवारीलाई गम्भीरताका साथ पूरा गर्छु । त्यसका लागि मलाई आवश्यक पर्ने बजेट माग गर्छु जसका कारण महंगो हुनसक्छ । तर मेरो लागि त्यो सामान्य हो । सस्तो र जे पायो त्यही काम गर्ने मेरो बानी छैन ।

– म्यूजिक भिडियो निर्माता निर्देशकका रुपमा तपार्इँ आफ्नो कामबाट कत्तिको सन्तुष्ट हुनुहुन्छ ?
म सन्तुष्ट नभएको भए यतिका वर्ष यसै क्षेत्रमा कसरी विताउँथे होला ? अरु नै वैकल्पिक बाटो अपनाउथें । तसर्थ यसबाट के प्रष्ट हुन्छ भने म यस क्षेत्रमा सन्तुष्ट छु ।

– समग्रमा म्यूजिक भिडियोको वर्तमान बजार कस्तो छ ? कुन स्तरमा छ यसको व्यावसायिक पक्ष ?
म्यूजिक भिडियोको वर्तमान अवस्था अत्यन्तै राम्रो छ । युट्यूवका कारण अहिले नेपाली म्यूजिक भिडियोको बजार विश्वव्यापी भएको छ । अहिले भिडियो प्रसारण माध्यमहरु प्रसस्त भएकोले वर्तमान अवस्था अत्यन्तै सुखदायी र फलदायी रहेको छ ।

– यसको व्यवसायिक स्तर बढाउन तपाईको सुझाव र सूत्र केही छन की ?
प्रविधिको विकासका कारण विश्व अहिले एउटै गाउँ भएको छ । विश्वका सबै देशका गीतहरुको भिडियो सजिलै हेर्न सकिन्छ । तसर्थ विश्व बजारलाई सुहाउँदो आधुनिक प्रविधिको राम्रो प्रयोग गरि गुणस्तरीय काम गर्न सकेमा व्यवसायिक स्तर बढाउन सकिन्छ । राम्रा कथावस्तु समेटेर, राम्रा कलाकार राखेर, राम्रा लोकेशन र भेषभुषाको प्रयोग गरि मेहनतका साथ भिडियो निर्माण गर्न सके म्यूजिक भिडियोको व्यवसायिक स्तर बढाउन सजिलै सकिने छ ।

– भोलिका दिनमा यो क्षेत्रको भविष्य कस्तो देख्नुहुुन्छ ?
आजको दिन राम्रो हुनु भोलिको दिन पक्कै नै राम्रो हुन्छ । तसर्थ यस क्षेत्रमा मेहनत गर्नेका लागि आजको दिन राम्रो छ भने भविष्य पक्कै नै सुनिश्चित छ ।

– यस क्षेत्रका समस्या के के छन् नि ?
यस क्षेत्रमा समस्या भनेको जानी नजानी काम गर्ने, युट्यूवको दर्शक बढाउन भनि घिनलाग्दो नग्नता पस्कने, सेन्सरसिपको अभाव, टेलिभिजनमा भिडियो बजाउन नातावाद र कृपावाद, अझ भन्नुपर्दा सिण्डिकेट हुनु । इत्यादि कमजोर पक्षहरु छन, जो सुधार गर्नु आवश्यक छ ।

– नढाँटी भन्नुस् त तपाईँले यो क्षेत्रबाट कति कमाउनु भयो ?
मैले यो क्षेत्रमा लागेर अहिलेसम्मको जीवनयापन गरेको छु । परिवार राम्रोसँग पालेको छु । आवश्यकता अनुसार पु¥याएको छु । कसैसँग माग्नु परेको छैन । भन्नु पर्दा गास वास कपास मज्जाले चलेको छ । यहि हो मेरो कमाई ।

– म्यूजिक भिडियो निर्माण क्षेत्रले समाज रुपान्तरणमा नकारात्मक प्रभाव पनि पा¥यो, गीत संगीत सस्तो भए भन्ने अरोपहरु प्नि सुनिन्छन् । वास्तविकता के हो ?
यो कुरालाई नकार्न सकिन्न, क्रिया बराबर प्रतिक्रिया अवश्य हुन्छ । सबै क्षेत्र राम्रो मात्र हुन्छ भन्ने छैन । सस्तो लोकप्रियता कमाउने र युट्यूवमार्फत कमाई गर्ने हिसावले जे पायो त्यहि नबुझि गरिरहेको छन् । यस्ता कारणले विभिन्न आरोपहरु यस पवित्र क्षेत्रमा भोग्नु परेको छ ।

– देशभक्ति र एकताका म्यूजिक भिडियोतिर तपाईँको ध्यान कम गएको वा नचल्ने भएर नबनाएको नि ?
हेर्नुस् हाम्रो देशमा यस्ता गीतका भिडियोहरु अरु भिडियोको तुलनामा कम बन्ने गर्दछन् । तर मैले अरुको भन्दा धेरै देशभक्ति गीतहरु गरेको छु ।

– धार्मिक क्षेत्रमा पनि म्यूजिक भिडियोको आकर्षण बढेको हो ?
हो । राम्रो हेर्न लायक भिडियो बनायो भने सबै किसिमका भिडियोहरु चल्दा रहेछन् । राम्रा धार्मिक म्यूजिक भिडियोको डिमाण्ड बढी नै छन् ।

– बजारमा तपाई आफ्नो प्रतिष्पर्धी कसलाई ठान्नु हुन्छ ?
आफूले आफैलाई प्रतिस्पर्धी ठान्दछु ।

– तपार्इँ र अरु निर्देशक निर्माता बीचको प्रतिस्पर्धा कत्तिको स्वस्थ छ ?
मलाई त्यस्तो प्रतिस्पर्धाको फिल छैन । म आफ्नो काम र मेहनतमा बढी ध्यान दिने भएकोले प्रतिस्पर्धाको बारेमा वास्ता गर्दिन ।

– तपाईँका भावी योजनाहरु केही छन् की ?
म निकट भविष्यमा नेपालमा म्यूजिक भिडियो ३० वर्षे ईतिहास सम्बन्धि पुस्तक तयार पार्दैछु ।

– थप केही भन्नु भने भन्नुस् ।
मलाई केहि भन्ने मौका दिएकोमा www.akhabarnepal.com र अखबार टाईम्स साप्ताहिक पत्रिका परिवारलाई आभार सहित विशेष धन्यवाद ।
 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Desk Editor Team
Laxmi Kishori Parajuli, Ashok Siwakoti,
Yogendra Chaulagain, Mahesh Kumar Sunuwar, 
Subash Chamling Rai, 
Balkrishna Karmacharya, 
Milan Gurung,
Promise Gurung, Karna Bahadur Ghale,
Sangita Tamang, Rohini Chhetri,
Pawan Kumar Tamang, Mira Tamang Yonjan