आईतवार, ४ कार्तिक, २०७५ (Sun, 21 October, 2018)
समाचार
Nov 28, 2017
प्रधानमन्त्रीको चुनावी सभा नजिकै तुल्सीपुरमा बम पड्काइयो, ओलीको सम्बोधनस्थल नजिकै ललितपुरमा पनि बम विष्फोट
मंगलवार, मंसिर १२, २०७४
काठमाडौं : निर्वाचनको मिति नजिकिदै जाँदा विभिन्न स्थानमा वम विस्फोटका घटना दोहोरिइरहेका छन । आजै दाङको तुलसीपुरमा बम विस्फोट भएको छ । तुलसीपुरमा रहेको न्यू शाही इन्टरप्राइजेट नजिकै बम विस्फोट हुदा सात जना घाइते भएका छन । घाइतेहरुको राप्ती अञ्चल अस्पताल तुलसीपुरमा उपचार भइरहेको छ ।

पसल बाहिर रहेका सर्वसाधारणलाई बमको छर्रा लागेर घाइते भएको प्रहरी प्रमुख मधुप्रसाद पुडासैनीले जानकारी दिए । दाङको तुलसीपुरमा भइरहेको नेपाली काग्रेसको चुनावी सभालाई तर्साउने गरी बम विस्फोट गराइएको प्रहरीको भनाई छ । बम विस्फोटन हुँदै गर्दा सभालाई नेपाली काँग्रेसका सभापति तथा प्रधानमन्त्री शेर बहादुर देउवाले सम्वोधन गर्दै थिए ।

उता कांग्रेस नेता तथा प्रतिनिधि सभाका लागि झापा क्षेत्र नम्वर ३ का उमेद्वार कृष्णप्रसाद सिटौलाको चन्द्रगढीस्थित घरको पर्खालमा पनि आजै वम विस्फोट गराइएको छ । गएराति १ बजे घरको दक्षिणी पर्खालमा सुतली बम विष्फोट भएको जिल्ला प्रहरी कार्यालय झापाले जनाएको छ ।

त्यस्तै झापाको कनकाई नगरपालिकाका प्रमुख राजेन्द्रकुमार पोखरेलको घर छेऊमा भेटिएको सुतली बम नेपाली सेनाको टोलीले डिस्पोज गरेको छ । मंगलवार बिहान पोखरेलको घर अगाडी शंकास्पद वस्तु फेला परेपछि गाउँलेले प्रहरीलाई खबर गरेका थिए । घटनाको जानकारी पाउने बित्तिकै पुगेको नेपाली सेना कालीबहादुर गण चार आलीको टोलीले बम डिस्पोज गरेको हो ।

त्यस्तै नेपाली कांग्रेस उदयपुरका उम्मेदवारलाई लक्षित गरी राखिएको बम गएराती विष्फोट हुँदा गोठमा रहेका वस्तुहरु घाइते भएका छन । प्रदेशसभा सदस्यका कांग्रेस उम्मेदवार हिमाल कार्कीको घर नजिकको गोठमा राखिएको बम विस्फोट भएको हो । यसअघि जिल्लाको पश्चिमी क्षेत्र उदयपुरगढी गाउँपालिका ७ नेपालटारबजारमा बाम गठबन्धनको चुनावी सभालाई लक्षित गरि बम विस्फोट गराइएको थियो ।

प्रतिनिधिसभा क्षेत्रनं २ का वामगठबन्धनका उम्मेदवार सुरेस राई र सोही क्षेत्रको प्रदेश १ का उमेदवार नारायण बुर्जा मगरलाई लक्षित गरी वम विस्फोट गराइएको थियो ।।

यस्तै राजधानीको ललितपुरको लगनखेल नजिकै आज दिउसो दिउँसो बम विस्फोट गराइएको छ । आज दिउसो वाम गठबन्धनको सभालाई लक्षित गरेर नजिकै विस्फोट गराए पनि कुनै क्षति नभएको प्रहरीले जनाएको छ । सभामा पूर्व प्रधानमन्त्री एवं नेकपा एमालेका अध्यक्ष केपी ओलीले सम्बोधन गरिरहेका बेला विस्फोट भएको थियो ।

महानगरीय प्रहरी परिसर ललितपुरका प्रमुख एसएसपी गणेश ऐरले लगनखेलस्थित नमुना मछिन्द्र उच्च मावि पछाडी बम विस्फोट भएको तर कुनै मानवीय क्षति भने नभएको बताए । बम विष्फोटका कारण स्थानीय नमुना मछिन्द्र आवासीय माध्यमिक विद्यालयको ७ वटा झ्यालको सिसा फुटेको छ । विद्यालय नजिक भएको विस्फोटका कारण जमिन खाल्डो परेको छ । घटनाको कसैले जिम्मा लिएको छैन ।।


 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Desk Editor Team
Laxmi Kishori Parajuli, Ashok Siwakoti,
Yogendra Chaulagain, Mahesh Kumar Sunuwar, 
Subash Chamling Rai, 
Balkrishna Karmacharya, 
Milan Gurung,
Promise Gurung, Karna Bahadur Ghale,
Sangita Tamang, Rohini Chhetri,
Pawan Kumar Tamang, Mira Tamang Yonjan