शुक्रबार, ५ असोज, २०७५ (Fri, 21 September, 2018)
खेलकूद
Nov 28, 2017
हान्मदाङमा सहभागी हुने नेपाली तेक्वान्दो टोलीको बिदाई
मंगलवार, मंसिर १२, २०७४
काठमाडौं : कम्बोडियामा हुने एसियन कुकिवन तेक्वान्दो हान्मदाङमा सहभागी हुने नेपाली तेक्वान्दो टोलीको बिदाई गरिएको छ । मंगलबार दिल्लीबजारमा आयोजित कार्यक्रममा ९ सदस्यीय नेपाली तेक्वान्दो टोलीलाई नेपाल तेक्वान्दो संघका उपाध्यक्ष सञ्जिव रेग्मी र सदस्य हेमन्त डाँगीले बिदाई गरे ।

रेग्मीले प्रतियोगितामा बलियो आत्मबलका साथ उत्कृष्ट प्रदर्शन गर्दै सर्वोत्कृष्ट हुन शुभकामना व्यक्त गरे । आगामी १ देखि ३ डिसेम्बरसम्म कम्बोडियाको राजधानी नमफेनमा हुने कुकिवन तेक्वान्दो हान्मदाङमा ५ खेलाडीले विभिन्न विधामा प्रतिस्पर्धा गर्नेछन् । सोही अन्तर्राष्ट्रिय प्रतियोगितामा नेपालका ४ रेफ्रीले निर्णायकको भूमिका निर्वाह गर्नेछन् ।

कम्बोडिया तेक्वान्दो संघ र कम्बोडिया शिक्षा, युवा तथा खेलकुद मन्त्रालयको आयोजनामा हुने हान्मदाङ तेक्वान्दोमा प्रेमबहादुर भण्डारी नेतृत्वको नेपाली खेलाडीमा अनिष महर्जनले पावर ब्रेकिङ, आषिश महर्जनले नाइफ ह्यान्ड ब्रेकिङ, प्रविन थापाले हाइ फ्रन्ट किक र अर्जुन रानामगरले ब्याक किकमा प्रतिस्पर्धा गर्नेछन् । अनिष टिम प्रशिक्षक समेत हुन् । नेपाली टोलीका नेतृत्व भण्डारीले नाइफ ह्यान्ड ब्रेकिङ र ग्रुप फाइटमा समेत प्रतिस्पर्धा गर्नेछन् । अनिष, आषिस र अर्जुनले ग्रुप फाइटमा समेत प्रतिस्पर्धा गर्नेछन् ।

टोलीका प्रशिक्षक अनिषले हान्मदाङ अन्तर्गत पावर ब्रेकिङमा सन् २०१४ मा रजत र २०१५ मा स्वर्ण पदक जितेका थिए । नेपालको ४ निर्णायकमा टोनिल कर्मचार्य, नविनकुमार श्रेष्ठ, नोर्बु लामा र योङ दल क्वान छन् । नेपाली टोली बुधबार त्यसतर्फ प्रस्थान गर्नेछन् । च्याम्पियनसिपमा १८ राष्ट्रको सहभागिता रहने टिम व्यवस्थापक प्रेमबहादुर भण्डारीले बताए । यसअघि पोखरामा हान्मदाङ अन्तर्राष्ट्रिय तेक्वान्दो भएको थियो ।


 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Desk Editor Team
Laxmi Kishori Parajuli, Ashok Siwakoti,
Yogendra Chaulagain, Mahesh Kumar Sunuwar, 
Subash Chamling Rai, 
Balkrishna Karmacharya, 
Milan Gurung,
Promise Gurung, Karna Bahadur Ghale,
Sangita Tamang, Rohini Chhetri,
Pawan Kumar Tamang, Mira Tamang Yonjan