बिहीवार, २८ मंसिर, २०७४ (Thu, 14 December, 2017)
खेलकूद
Dec 03, 2017
ठमेल ओपन टेबलटेनिस प्रतियोगिताको महिला सिंगल्समा एलिना र स्वेच्छाको ह्याट्रिक
आईतवार, मंसिर १७, २०७४
काठमाडौं : नेपाल प्रहरी क्लबकी एलिना महर्जन र नेपाल आर्मीकी स्वेच्छा नेम्वाङले हुवाइ नोभा टु आई इम्पेक्ट ठमेल ओपन टेबलटेनिस प्रतियोगिताको महिला सिंगल्समा शनिबार तीन–तीन खेलमा जित हात पारेका छन् ।

लैन चौरस्थित राष्ट्रिय टेबलटेनिस प्रशिक्षण केन्द्रमा भएको समूह ‘सी’ को लिगमा एलिनाले पिङपोङ सुपरस्टारकी लश्ता महर्जन, प्रहरीकी यशस्वी सुवाल र धरानकी रुपा लिम्बूलाई समान ३–० को सोझो सेटमा पराजित गरिन् । स्वेच्छाले पनि एलिनाले नै पराजित गरेकी तीनै प्रतिद्वन्द्वीलाई समान ३–० को नतिजामा हराइन् ।

समूह ‘बी’ को लिगमा आर्मीकी रविना महर्जन र नेपाल एपीएफ क्लबकी सेलिशा खड्गीले दोहोरो जित आत्मासात् गरे । रविनाले याला स्पिनकी अनुष्का प्रसाईंलाई ३–० तथा प्रहरीकी मन्जु सुवाललाई ३–२ ले पन्छाइन् । सेशलिशाले प्रहरीकी सोनु थापा मगरलाई ३–२ तथा प्रहरीकै मन्जु सुवाललाई ३–१ ले पाखा लगाइन् ।

त्यस्तै समूह ‘ए’ को लिगमा प्रहरीकी राष्ट्रिय च्याम्पियन नविता श्रेष्ठले एपीएफकी सिक्का सुवाललाई ३–१ तथा काठमाडौंकी रुबी वज्राचार्यलाई ३–० ले पराजित गरिन् । आर्मीकी दीक्षा तामाङले आर्मीकी दीक्षा दाहाललाई ३–२ तथा एपीएफकी सिक्का सुवाललाई ३–१ ले पन्छाइन् ।

इम्पेक्ट स्पोर्ट्स म्यानेजमेन्टद्वारा आयोजित प्रतियोगिताको पुरुष सिंगल्सको समूह ‘ए’ मा प्रहरीका विनेश खनियाले एपीएफका एलेक्स महर्जनलाई ३–०, एपीएफका विलोश श्रेष्ठले याला स्पिनका निकेश महर्जनलाई ३–० र वज्र युनियनका टेन्डी शेर्पाले आर्मीका गौरव श्रेष्ठलाई ३–० ले पराजित गरे ।

समूह ‘बी’ को प्रतिस्पर्धामा एपीएफका शिवसुन्दर गोथेले वज्रका वज्रप्रकाश लामालाई ३–१, आर्मीका चन्दन शाहले यालाका आरिश महर्जनलाई ३–० तथा प्रहरीका राकेश महर्जनले पिङपोङका सेयोन गुरुङलाई ३–० ले हराए ।

समूह ‘सी’ मा एपीएफका अमरलाल मल्लले काठमाडौंका प्रज्ज्वल केसी, आर्मीका नारायण घिमिरेले आफ्नै क्लबका प्रज्ज्वल श्रेष्ठ र धरानका महावीर चौधरीले भक्तपुरका रजोजमान थाकुलाई समान ३–० को नजितमा पाखा लगाए ।


 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com

        E-mail:
 akhabartimes@gmail.com


अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com
news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Editor Team
Mahesh Kumar Sunuwar, Hemanta Gautam, 
Ashok Siwakoti, Yogendra Chaulagain,
Ranika Rai Sunuwar, Laxmi Kishori Parajuli, 
Bahudal Kaji Rai, Dilman Gurung,
Janga Bahadur Bomjan, Nir Bahadur Tamang