बिहीवार, ३१ श्रावन, २०७५ (Thu, 16 August, 2018)
देश
Dec 04, 2017
चुनावी प्रचारप्रसारको अन्तिम दिन शीर्ष नेतादेखि उम्मेदवार चुनावी प्रचारप्रसारमै ब्यस्त
सोमबार, मंसिर १८, २०७४
काठमाडौं : दुई तिहाई बहुमत ल्याउने उद्घोष गर्दै गठवन्धन गरेका दलहरु, चुनावी प्रचारप्रसारको अन्तिम दिन शीर्ष नेतादेखि उम्मेदवार चुनावी प्रचारप्रसारमै ब्यस्त भए ।

पहिलो चरण सकिए लगत्तै दोस्रो चरणमा आक्रामक रुपमा प्रचार प्रसारमा जुटेका शीर्ष नेता आफू सहित गठवन्धनलाई जिताउने होडवाजीमा छन् । आज केही शीर्ष नेता आफ्नै क्षेत्रको चुनावी सभामा ब्यस्त भए भने केही पार्टीका चुनावीसभा र समारोहमा ब्यस्त भए ।

एकैदिन ६ स्थानका चुनावीसभामा भाग लिनेदेखि एकले अर्कालाई गाली गलौज र आरोप प्रत्यारोप पहिलो चरणमा झै दोस्रो चरणमा पनि गरे । प्रधानमन्त्री एवं कांग्रेस सभापति शेरवहादुर देउवा कहिले एक्लै चुनाव प्रचारप्रसारमा भाग लिए भने कतिपय स्थानमा वरिष्ठ नेता रामचन्द्र पौडेल र महामन्त्री शंशाक कोइराला सहित कार्यक्रममा सहभागी भए । देश दौडाहामा निस्केका देउवाले दुई दिनदेखि आफ्नै निर्वाचन क्षेत्रका कार्यक्रममा सहभागी भएका छन् ।

वाम गठवन्धन बनाएर दुईतिहाई बहुमत ल्याउने सपना वुन्दै एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहाल देशब्यापी चुनावी अभियानमा होमिए । कहिले सँगै त कहिले एक्लाएक्लै चुनावी कार्यक्रममा पुगेका यी दुई नेता एउटै माला लगाउनेदेखि पार्टी एकता गर्ने सम्मका एजेन्डा बोकेर मत मागे । अन्तिम दिन भने ओली राजधानीका तीनवटै जिल्लामा पुगे भने दाहाल चितवनमै भोट माग्न ब्यस्त भए ।

पहिलो चरणमा निर्वाचन भएका जिल्लाका नेताहरु भने आफ्ना उम्मेदवार र गठवन्धन जिताउने देश दौडाहमै ब्यस्त छन् । पहिलो भन्दा दोस्रो चरणमा प्रमुख तीन पार्टीका तीनवटै शीर्ष नेता उम्मेदवार भएकोले पनि चुनावी रौनक थपिएको छ । कु

नै चुनावीसभामा एकले अर्कालाई आरोप लगाउदै आक्रमक रुपमा प्रस्तुत हुने शीर्ष नेता कतिपय स्थानमा पुग्दा भने शालीन रुपमा प्रस्तुत भएका थिए । हेलिकप्टर लिएर देश दौडाहमा निस्केका शीर्ष नेताको अभियान र योजना आफ्नो गठवन्धनलाई जिताउने र आफूले सरकारको नेतृत्व गर्ने लक्ष्य छ । मंसिर २१ गते ४५ जिल्लाका १ सय १८ प्रतिनिधिसभामा निर्वाचन हुँदैछ ।


 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com

        E-mail:
 akhabartimes@gmail.com


अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam
(Director)
Editor Team
Mahesh Kumar Sunuwar, Ashok Siwakoti,
Yogendra Chaulagain, Pawan Kumar Tamang,
Ranika Rai Sunuwar, Laxmi Kishori Parajuli, 
Balkrishna Karmacharya, Rita Gurung,
Promise Gurung, Janga Bahadur Bomjan,
Sangita Tamang, Rohini Chhetri
Sunita Thapa