शुक्रबार, ४ माघ, २०७५ (Fri, 18 January, 2019)
समाचार
Jan 09, 2018
तराईमा चिसो र शीतलहरका कारण गरिब तथा विपन्नलाई सबैभन्दा बढी सास्ती
मंगलवार, पौष २५, २०७४
काठमाडौं : मुलुकमै सबैभन्दा बढी दलितको बसोबास रहेको सप्तरीमा करिब ३६ हजार भूमिहीन सुकुम्बासी रहेका छन् । सडक किनार तथा ऐलानी जमिनमा झुप्रो बनाएर ज्याला मजदुरी गरी गुजारा गर्दै आएका सुकम्बासीमध्ये कतिपयलाई आगो ताप्न पर्याप्त दाउरा जोहो गर्न पनि मुश्किल रहेको छ ।

बढ्दो चिसो र शीतलहरका कारण यसरी दैनिक ज्याला मजदुरी गरेर जिविकोपार्जन गर्दै आएका गरिब तथा विपन्नलाई सबैभन्दा बढी सास्ती भएको छ । चिसोले कठ्याङ्ग्रिएर मजदुरीमा निस्किन सकिने अवस्था छैन । कामै नभएपछि भोकै सुत्नुपर्ने बाध्यता छ । दलित समुदायका मुसहर, बाँतर, चमार, हलखोर, डोम समुदायका मानिससँग जाडोमा लगाउने न्यानो कपडा पनि छैन । यस्तोमा ज्यान जोगाउन पनि धेरैलाई धौ धौ परेको छ।

शीतलहरको प्रकोपबाट बालबालिकालाई जोगाउन दुई दिन विदा दिएको जिल्ला शिक्षा समितिले मौसममा सुधार नआएपछि ४ दिन विदा थपेको छ । प्याब्सन सप्तरीले समेत तीन दिनका लागि विदा गर्ने निर्णय गरेपछि मंगलबार सम्मका लागि परिक्षा स्थगित भएको थियो ।

शीतलहरबाट हुने जोखिमको पूर्व तयारीमा ध्यान नदिँदा सर्वसाधारणले अकालमा ज्यान गुमाउनु परेको गुनासो बढेपछि जिल्ला दैवी प्रकोप उद्दार समिति तथा स्थानीय तहको पहलमा दाउरा संकलन र वितरण सुरु गरिएको छ । सरोकारवाला निकायहरुबीच समन्वय हुन नसक्दा प्रभावितलाई समयमै न्यानोको व्यवस्था मिलाउन नसकिएको स्थानीय तहका जनप्रतिनिधिले नै गुनासो गरेका छन् ।

जिल्ला वन अधिकृतले मोबाइल स्विच अफ गरेर बसेपछि अधिकांश स्थानीय तहमा दाउरा वितरण गर्न नसकिएको स्थानीय तहका प्रमुखहरुको आरोप लगाएका छ । सप्तरीका प्रमुख जिल्ला अधिकारीले भने चिसोवाट प्रभावितलाई न्यानो लुगा वितरण तथा आगो ताप्ने ब्यवस्था मिलाउन निर्देशन दिएको बताएको छ । तर कतिपय पिडितले भने आगो ताप्न दाउरा र न्यानो कपडा नपाएको गुनासो गरेका छन् ।

चिसोले जनजीवन कष्टकर भएपछि प्रहरीले जिल्लाका करिब एक सय ठाउँमा आगो बालेको जनाएको छ । चिसोले गर्दा बालबालिका, ज्येष्ठ नागरिक, सुत्केरी, असक्त एवं रक्तचाप र दमका रोगीको अस्पतालमा चाप बढेको छ । चिसोका कारण निमोनिया, पखाला, रुघाखोकी, ज्वरो लगायतका बिरामी बालबालिका बढेका छन् ।

हरेक वर्ष हिउँदमा शितलहर र चिसोका कारण मानिसहरुको ज्यान जाने गरेको कुरा नौलो होइन । तर प्रशासनले बेलैमा यसको लागि पूर्वतयारी नगर्दा धेरैले अनाहकमा ज्यान गुमाउनुपर्ने विडम्बना भने यथावत छ ।
 



प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Correspondent
Laxmi Kishori Parajuli 
Balkrishna Karmacharya, Milan Gurung,
Subash Thapa, Karna Bahadur Ghale,
Sangita Tamang, Mahesh Sherchan,
Rohini Chhetri, 
Pawan Kumar Tamang