शुक्रबार, ५ असोज, २०७५ (Fri, 21 September, 2018)
खेलकूद
Feb 16, 2018
विश्व क्रिकेट लिग डिभिजन–२ रोमाञ्चक जितसँगै नेपाल विश्वकप छनोटमा
शुक्रबार, फागुन ४, २०७४
क्यानडामाथि अन्तिम बलमा १ विकेटको सनसनीपूर्ण जित हात पार्दै नेपाल विश्वकप छनोटमा पुगेको छ । नामिबियामा जारी विश्व क्रिकेट लिग डिभिजन–२ को राउन्ड रोबिनको पाँचौं तथा अन्तिम चरणमा नेपाल र क्यानडाबीच विजयी हुने टोली मात्र विश्वकप छनोटमा पुग्ने स्थिति थियो । नेपाल सर्वाधिक ८ अंकको साथ विश्वकप छनोटमा पुगेको हो ।

यूएई, नामिबिया र क्यानडाको समान ६ अंक भएपनि राम्रो रन रेटका आधारमा यूएई छनोट हुन सफल भएको छ । नेपाल र यूएईले बिहीबार फाइनल खेल्नेछन । जित हात पार्न नसकेको भए नेपाल डिभिजन–२ मै रोकिने थियो । २०१९ को विश्वकप छनोटको आधार रहेको डिभिजन–२ का शीर्ष दुई टोली विश्वकप छनोटमा पुगेका हुन ।

नेपाल लगातार दोस्रो पटक विश्वकप छनोटमा पुगेको हो । विश्वकप छनोट मार्चदेखि जिम्बावेमा हुनेछ । विश्वकप छनोटमा वेस्ट इन्डिज, जिम्बावे, आयरल्यान्ड, अफगानिस्तान, नेदरल्यान्ड्स सहित १० टोलीको सहभागिता रहने छ ।

छनोट प्रतियोगिताका शीर्ष दुई टोली २०१९ मा इंग्ल्यान्डमा हुने विश्वकपमा पुग्नेछन । त्यसबाहेक स्कटल्यान्ड, हङकङ, पपुवा न्युगिनी छनोटमा सहभागी अन्य राष्ट्र हुन् । वेस्ट इन्डिज, जिम्बावे, आयरल्यान्ड, अफगानिस्तान टेस्ट मान्यता प्राप्त राष्ट्र हुन । नेदरल्यान्ड्ससँग एकदिवसीय अन्तर्राष्ट्रिय मान्यता छ । यी बाहेक विश्वकप छनोटको शीर्ष तीनमा पर्ने राष्ट्रले एकदिवसीय अन्तर्राष्ट्रिय मान्यता पाउने छन । पुछारका दुई टोलीले फेरि डिभिजन–२ मै फर्कनुपर्ने छ ।

नेपालले टस जितेपछि ब्याटिङ पाएको क्यानडाले निर्धारित ५० ओभरमा ८ विकेट गुमाई १ सय ९४ रन बनाएको थियो । जवाफी ब्याटिङमा नेपालले १ सय ४४ रन बनाउँदा ९ विकेट गुमाइसकेको थियो । चार पटक एकदिवसीय विश्वकप खेलिसकेको क्यानडा यो अवस्थामा ११ औं पटक विश्वकप छनोटमा पुग्ने निश्चित जस्तै देखिएको थियो । नेपालका लागि करण केसीले ३१ बलमा ४ छक्का र ३ चौका प्रहार गरी नटआउट ४२ रन बनाएपछि नेपालले अन्तिम बलमा विजय लक्ष्य पूरा गरेको थियो ।

अन्तिम २ ओभरमा २० रन चाहिने अवस्थामा करणले ४९औं ओभरमा एक चौका र एक छक्का सहित १२ रन बनाएपछि नेपाललाई अन्तिम ओभरमा ८ रन आवश्यक थियो । अन्तिम ओभरको पहिलो चार बलमा कुनै रन लिन नसक्दा पराजयको नजिक पुगिसकेको नेपाल पाँचौं बलमा करणले छक्का प्रहार गरेपछि सनसनीपूर्ण जितको आस ब्युँतिएको थियो । त्यसपछिको अन्तिम बल वाइड हुँदा नेपालको पोल्टामा १ रन थपियो । र, अन्तिम बलमा सहज १ रन प्रहार गरेर करणले नेपाललाई जित दिलाए । करणले सन्दीपसँग १०औं विकेटमा ५१ रनको साझेदारी गरेका थिए ।


 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Desk Editor Team
Laxmi Kishori Parajuli, Ashok Siwakoti,
Yogendra Chaulagain, Mahesh Kumar Sunuwar, 
Subash Chamling Rai, 
Balkrishna Karmacharya, 
Milan Gurung,
Promise Gurung, Karna Bahadur Ghale,
Sangita Tamang, Rohini Chhetri,
Pawan Kumar Tamang, Mira Tamang Yonjan