शनिबार, १२ जेष्ठ, २०७५ (Sat, 26 May, 2018)
विचार
Feb 16, 2018
सन्दर्भ जनयुद्ध दिवसको
शुक्रबार, फागुन ४, २०७४
- योगेन्द्र चौलागाई
२०५२ साल फागुन १ गतेका दिन तत्कालिन नेकपा माओबादीले जनयुद्धको घोषणा गरेको थियो । त्यही घोषणको २३ औं जनयुद्ध दिवस गत मंगलबार मनाईयो । तत्कालिन शासन व्यवस्थाको विरोध गर्दै जनआन्दोलनको घोषणा गरिएको थियो । माओबादीले सामाजिक, आर्थिक तथा राजनीतिक अवस्थाहरु प्रति असहमती जनाउदै भुमिगत युद्धको सुरुवात गरेको थियो ।

शोषित पीडित वर्गको मुक्तिका साथै मुलुकमा आमुल परिवर्तनको नारा लिएर सुरु भएको जनयुद्धको २२ बर्ष पुरा भएको उपलक्ष्यमा जनयुद्ध दिवस मनाईएको हो । यो २३ औं जनयुद्ध दिवस मनाईरहदा देशमा धेरै राजनीतिक परीवर्तनहरु आईसकेका छन । राजतन्त्रको अन्त्य भई मुलुकमा लोकतन्त्र तथा गणतन्त्र समेत स्थापना भएको छ । तत्कालिन समयमा जनयुद्धमा लागेकाहरुले अहिले सभासद्, मन्त्री, प्रधान मन्त्री लगाएतका उच्च ओहोदामा पुग्ने भाग्य पाएका छन । जनयुद्धमा लागेको त्यही माओवादी टुक्रिदै गईरहेको छ ।

जनताको परिवर्तनको आकांक्षालाई शशक्त नाराको रुपमा लिएर अघि बढेको जनयुद्धकै बलमा भईरहेको अहिलेको राजनीतिले गरीरहेको यो यात्राको संभव भएको हो । तर केहि अगुवाहरुको व्यवहार र कार्यशैलीका कारण जनयुद्धको बदनाम हुन पुगेको छ । जनयुद्धको उपलब्धीलाई आप्mनो वर्ग उत्थान र जीवन शैलि परीवर्तनको निम्ति मात्र प्रयोग गरिरहेका छन । केहि क्रान्ति गर्छु भन्नेहरु धनाढ्य बनेका छन ।

तर २२ बर्षमा जनताको अबस्था हेर्ने हो भने झन दयनीय बनेको छ । मुलुकमा दण्डहीनता र भ्रष्टाचार बढेको छ । युवाहरु बिदेशिन बाध्य छन । नेपाली चेलिहरु बिभिन्न मुलुकहरुमा बेचिन बाध्य छन । देशमा महंगी र गरीबि झन झन बढेको छ । जनयुद्ध दिवस मनाईरहँदा मोहन बैद्य मुलुकमा क्रान्ति आवश्यक छ तसर्थ फेरी क्रान्तिका निमित्त छरिएर रहेका क्रान्तिकारीहरु एकजुट र केन्द्रित भई नयाँ ढंगबाट बन्दुक उठाउन आवश्यक छ भनिरहेका छन भने नेत्र बिक्रम चन्दले पनि क्रान्ति नसकिएको बताईरहेका छन ।

जनयुद्ध प्रारम्भ भएको २३ बषको अन्तरालमा १० बर्षे जनयुद्ध र १३ बर्षको शान्ति प्रक्रिया आफैंमा बिरोधाभाषपुर्ण देखिन्छ । जनयुद्ध सुरुगरेकाहरु आफै बिभाजीत भएर एक आपसमै आरोप र प्रत्यारोप गरीरहेका छन । एकथरी संघिय संरचनाको कार्यान्वयनका लागि विकास र सम्वृद्धिको लडाईमा लागे भने अर्काथरी रुस र चिनसँग नेपालको मोडल दाँज्दै चर्चा गरीरहेका छन । एउटै उद्देश्यले जनयुद्ध लडेकाहरु आज फुटेर टुक्रा टुक्रा भएका छन । अझै नेपाल आमाको सन्तानको रगत र बलिदानी माथि खेलवाड गरीरहेका छन ।

शहिद परिवारको विचल्ली भईरहँदा यता स्वर्थ र सत्ताको खेलमा नेतृत्वहरु लिप्त भईरहेका छन् । जनयुद्धमा मारीएका १७ हजार नेपाली जनताको रगतको मूल्य कतै भेटिदैन । तसर्थ मुलुकको वर्तमान अबस्थालाई हेर्दा जीवन मरणको दोसाँधमा काँधमा बन्दुक बोकेर हिडेकाहरु लाई कस्तो लाग्ला ? फेरी १७ हजार नेपालीको रगत बगाएर आएको परिवर्तन कसका लागी हो भन्ने कुराको समिक्षा गरीनु पनि आवश्यक छ ।

हुनत ठुलो परिवर्तनका निम्ति स साना कुरामा अल्मलिनु वा के पाईयो पाईएन ,के गुमाईयो भन्नु सान्दर्भीक नहोला, तर बिद्रोह सुरुगरेका नेतृत्वहरुबाटै अन्तर्घात हुनु तथा जनयुद्धमा मारीएका र घाईते भएकाका परिवारहरुले घात ब्यहोर्नु परेको दृष्टान्त घृणित घटना हो । जनयुद्ध दिवस मनाएर जनयुद्धको स्मरण मात्र गरेर ईतिहास प्रतिको दायीत्व र परिवर्तनको भार पुरा हुदैन । जनयुद्धको उद्देश्य, निति तथा शान्ति प्रक्रिया सम्मको घटना र नेतृत्वको कार्यशैलिको मुल्यांकन गरीनु पर्दछ । जनयुद्धमा ज्यान बलिदान दिनेहरुको योगदानको कदर गरीनु पर्दछ ।

जनयुद्धको उद्देश्य के थियो ? हजारौं शहिद र घाईतेहरुको योगदानबाट मुलुकले के पायो ? जनतामा के परीवर्तन भयो ? भन्ने कुराको जोडदार रुपमा समिक्षा गरिनु आवश्यक छ । साथै जनयुद्धबाट प्राप्त उपलब्धीलाई व्यक्तिगत जीवनशैलि परिवर्तनका लागी नभई मुलुक र जनताको जीवन परिवर्तनका लागी संस्थागत गरिनु पर्दछ । यसरी दिवस मनाईरहँदा उल्लेखित कुराहरु तथा जनयुद्धको उदेश्य पुरागर्ने प्रतिबद्धता जनाउनु पर्दछ । तब मात्र नेपाली आमाका हजारौ सन्तानको रगत बगाएर भएको जनयुद्धको सही रुपमा स्मरण हुने छ ।

 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com

        E-mail:
 akhabartimes@gmail.com


अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam
(Director)
Editor Team
Mahesh Kumar Sunuwar, Ashok Siwakoti,
Yogendra Chaulagain, Pawan Kumar Tamang,
Ranika Rai Sunuwar, Laxmi Kishori Parajuli, 
Balkrishna Karmacharya, Dilman Gurung, Rita Gurung,
Kiran Gurung, Janga Bahadur Bomjan, 
Sangam Gurung, Chandra Bahadur Ghale