रसुवा : नेपाल रेडक्रस सोसाइटी जिल्ला शाखा रसुवाले अधिवेशनबाट नयाँ नेतृत्वको चयन गरेको छ । रसुवा शाखाको २७औँ जिल्ला अधिवेशनले गोसाइँकुण्ड गापा–६ धुञ्चे गाउँ निवासी बाबुलाल तामाङलाई सर्वसम्मतले सभापति पदमा चयन गरेको हो ।

जिल्ला कार्यसमितिको सदस्यमा सोनामसाङ्बो तामाङ, देवकी रैला, चूडामणि अधिकारी, निलनाथ आचार्य, बलराम घिमिरे लामा, रेञ्जन घले, सेननुर्पु तामाङ, छिरिङग्याम्जो तामाङ, दिनेश तामाङ, नुर्पु तामाङ, भैरवप्रसाद पाण्डे, किप्पा घले रहेका छन् । उनीहरुको पदावधि भने चार वर्षको हुने रेडक्रसले जनाएको छ ।

निर्वाचन सम्पन्नपछि नवगठित कार्यसमितिले महिलाद्वय पासाङ तामाङ, देकीछोमो तितुङ र कृष्ण देवकोटालाई कार्यसमितिमा मनोनयन गरेको नवनिर्वाचित सभापति बाबुलाल तामाङले जानकारी दिए । तामाङ रसुवामा रेडक्रस स्थापना भएपश्चात् २०४० सालदेखि निरन्तर रूपमा रेडक्रस जिल्ला शाखाको सभापति पद सम्हाल्दै आएका थिए । (-संगम गुरुङ)