सोमबार, ४ आषाढ, २०७५ (Mon, 18 June, 2018)
आर्थिक
Apr 27, 2018
पाँच बैंकले नाफा बढाए
शुक्रबार, बैशाख १४, २०७५
काठमाडौं : वित्तीय विवरण सार्वजनिक गरेका पाँच वटा बाणिज्य बैंकहरुको नाफामा सुधार देखिएको छ । सेञ्चुरी कमर्सियल, लक्ष्मी, हिमालयन, नेपाल एसआबिई र प्राइम कमर्सियल बैंकको नाफा बढेको हो । चैतमै प्राइम कमर्सिय बैंक अर्बपति क्लवमा उक्लिएको छ भने गत वर्ष त्यति राम्रो प्रदर्शन गर्न नसकेको सेञ्चुरी कमर्सिलय बैंकले यस वर्ष सत प्रतिशतभन्दा माथिले नाफा बढाएको छ । पाकिस्तानी संयुक्त लगानीको हिमालयन बैंक र भारतीय संयुक्त लगानीको नेपाल एसबिआइ बैंकबीच पनि ब्यालेन्सिटमा टक्टर देखिन थालेको छ ।

नेपाल एसबिआई बैंक

नेपाल एसबिआइ बैंकले चैतसम्मा एक अर्ब ३७ करोड रुपैयाँ नाफा गरेको छ । बैंकले गत वर्षको तुलनामा २४ प्रतिशतले नाफा बढाएको हो । बैंकले खुद ब्याज आम्दानी २ अर्ब ८९ करोड रुपैयाँ गरेको छ भने गत वर्षमा यस्तो आम्दानी २ अर्ब १९ करोड रुपैयाँ थियो । बैंकको गत बर्षको भन्दा यस बर्ष निक्षेप संकलन घटेको छ । चैतसम्ममा ८३ अर्ब ८४ करोड रुपैयाँ निक्षेप संकलन गरि ७४ अर्ब ५ करोड रुपैयाँ ऋण लगानी गरेको छ । तर गत बर्षमा ८५ अर्ब ४६ करोड रुपैयाँ निक्षेप संकलन गरि ६१ अर्ब रुपैयाँ ऋण लगानी गरेको छ । बैंकको नाफामा ब्याज आम्दानीले धेरै सपोर्ट गरेको देखिन्छ । बैंकको चुक्ता पूँजी ४ अर्ब ९७ करोड रुपैयाँबाट ८ अर्ब ४ करोड रुपैयाँ नाघेको छ भने जगेडा कोषमा ४ अर्ब १५ करोड रुपैयाँ छ । बैंकको पूँजी कोष अनुपात १४.५१ प्रतिशत रहेको छ भने खराब कर्जा ०.१३ प्रतिशत पुगेको छ । बैंकको आधार ब्याजदर ८.२१ प्रतिशतबाट बढेर ९.८९ प्रतिशत पुगेको छ । प्रति शेयर आम्दानी २२ रुपैयाँ छ ।

लक्ष्मी बैंक

लक्ष्मी बैंकले चालु आर्थिक बर्षको चैतसम्मको अवधिमा ४१ प्रतिशतले नाफा बढाएर ८० करोड २६ लाख रुपैयाँ पु¥याएको छ । खुद ब्याज आम्दानी एक अर्ब ५४ करोड रुपैयाँ आर्जन गरेको छ । चैतसम्मको निक्षेप संकलन ६३ अर्ब २६ करोड रुपैयाँ छ भने ऋण लगानी ५८ अर्ब ६९ करोड रुपैयाँ छ । चुक्ता पूँजी तीन अर्ब १५ करोड रुपैयाँबाट ८ अर्ब २२ करोड रुपैयाँ पु¥याएको छ । जगेडा कोषमा २ अर्ब १६ करोड रुपैयाँ छ । पूँजी कोष अनुपात ११.०४ प्रतिशतबाट १२.७९ प्रतिशत पुगेको छ । खराब कर्जा १.१६ प्रतिशत छ भने आधार व्याजदर १०.१७ प्रतिशतबाट बढेर ११.३५ प्रतिशत पुगेको छ । प्रति शेयर आम्दानी १३ रुपैयाँ छ ।

सेञ्चुरी कमर्सियल बैंक

सेञ्चुरी कमर्सियल बैंकले गत बर्षको तुलनामा एक सय दुई प्रतिशतले नाफा बढाएर ६३ करोड रुपैयाँ पु¥याएको छ । बैंककले चैतसम्ममा खुद ब्याज आम्दानी एक अर्ब २२ करोड रुपैयाँ आर्जन गरेको छ । अघिल्लो चैतमा ३३ अर्ब १४ करोड रुपैयाँ निक्षेप संकलन गरेको बैंकले यस बर्षको चैतसम्ममा ५२ अर्ब ७३ करोड रुपैयाँ पु¥याएको छ भने ऋण लगानी ५० अर्ब रुपैयाँ पु¥याएको छ । गत वर्षको ३ अर्ब ६८ करोड रुपैयाँको चुक्ता पूँजी यस वर्ष ८ अर्ब ६ करोड रुपैयाँ पु¥याउन सफल भएको छ । जगेडा कोषमा एक अर्ब २१ करोड रुपैयाँ जम्मा भएको छ । पूँजी बढाएसँगै पूँजी कोष अनुपात पनि १४.४९ प्रतिशतबाट बढेर १६.३६ प्रतिशत पुगेको छ । खराब कर्जा ०.७९ प्रतिशत छ । आधार व्याजदर १०.५५ प्रतिशतबाट १२.५१ प्रतिशत पुगेको छ । प्रति शेयर आम्दानी १० रुपैयाँ छ ।

प्राइम कमर्सियल बैंक

प्राइम कमर्सियल बैंक ९ महिनाको अवधिमा अर्बपति क्लवमा उक्लिएको छ । बैंकले चैतसम्ममा एक अर्ब २५ करोड रुपैयाँ नाफा गरेको छ । यो गत बर्षको तुलनामा ४२ प्रतिशतले बढि हो । बैंकले खुद ब्याज आम्दानी एक अर्ब ६९ करोड रुपैयाँ आर्जन गरेको छ । नौं महिनाको अवधिमा ७४ अर्ब २० करोड रुपैयाँ निक्षेप संकलन गरि ६६ अर्ब ५३ करोड रुपैयाँ ऋण लगानी गरेको छ । चुक्ता पूँजी ५ अर्ब ७९ करोड रुपैयाँबाट ८ अर्ब ३ करोड रुपैयाँ पु¥याएको छ । जगेडा कोषमा २ अर्ब ६६ करोड रुपैयाँ जम्मा भएको छ । पूँजी कोष अनुपात पूँजी बढ्दा पनि १२.८२५ बाट १२.५१५ मा घटेको छ । खराब कर्जा १.०६ प्रतिशत छ । आधार ब्याजदर ७.८८ प्रतिशतबाट १२.८१ प्रतिशत पुगेको छ । प्रति शेयर आम्दानी २० रुपैयाँ छ ।

हिमालयन बैंक

हिमालयन बैंकले चैतसम्ममा गत बर्षको तुलनामा ४ प्रतिशतले नाफा बढाएर एक अर्ब ६१ करोड रुपैयाँ पु¥याएको छ । बैंकले खुद ब्याज आम्दानी २ अर्ब ९१ करोड रुपैयाँ आर्जन गरेको छ । चैतसम्ममा ९६ अर्ब ३२ करोड रुपैयाँ निक्षेप संकलन गरि ८५ अर्ब ४५ करोड रुपैयाँ ऋण लगानी गरेको छ । चुक्ता पूँजी ८ अर्ब ११ करोड रुपैयाँ छ भने जगेडा कोषमा ५ अर्ब २० करोड रुपैयाँ जम्मा भएको छ । पूँजी कोष अनुपात ११.७४ प्रतिशतबाट बढेर १२.४४ प्रतिशत पुगेको छ । खराब कर्जा १.१९ प्रतिशत पुगेको छ । आधार ब्याजदर ७.९३ प्रतिशतबाट बढेर ९.४२ प्रतिशत पुगेको छ । प्रति शेयर आम्दानी २५ रुपैयाँ छ ।
– विजय क्षेत्री

 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com

        E-mail:
 akhabartimes@gmail.com


अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam
(Director)
Editor Team
Mahesh Kumar Sunuwar, Ashok Siwakoti,
Yogendra Chaulagain, Pawan Kumar Tamang,
Ranika Rai Sunuwar, Laxmi Kishori Parajuli, 
Balkrishna Karmacharya, Rita Gurung,
Promise Gurung, Janga Bahadur Bomjan,
Sangita Tamang, Rohini Chhetri
Kamal Bahadur Ghale