मंगलवार, १ श्रावन, २०७५ (Tue, 17 July, 2018)
देश
May 16, 2018
ठूलो परिमाणमा नक्कली नोट सहित ६ जना पक्राउ
बुधबार, जेष्ठ २, २०७५

काठमाडौं : चलचित्र निर्माता माधव वाग्ले सहित ६ जनालाई प्रहरीले ठूलो परिमाणमा नक्कली नोट सहित पक्राउ गरेको छ । महानगरीय प्रहरी परिसर, काठमाडौंले आज पत्रकार सम्मेलन गरी वाग्ले सहित ६ जनालाई २ करोड ६० लाख ६३ हजार नक्कली नोटसहित पक्राउ गरेको जानकारी गराएको हो ।

प्रहरीले फिल्म निर्माता वाग्लेको कोठाबाट १ हजार दरको २ करोड ५२ लाख बराबरको नक्कली नोट बरामद गरेको छ । वाग्ले चारढुङ्गे स्थित प्रिनसेस मुभिज प्रालिका सञ्चालक हुन् । उनी चलचित्र लुट, लुट–२, छड्के, रेशम फिलिली लगायत चलचित्रका निर्माता तथा वितरक हुन् । पक्राउ पर्नेहरुमा चलचित्र निर्माता वाग्ले, छापाखाना संचालकहरु प्रकाश सुवेदी र विकेश नापित तथा सुर्खेत घर भई हाल कमलपोखरी बस्ने २४ वर्षीय महेन्द्र बोगटी, सिन्धुली घर भई ललितपुरको लूभू बस्ने १९ वर्षीय साजन तामाङ र २४ वर्षीय सुजित तामाङ रहेका छन् । वाग्लेले चलचित्र सुटिङका लागि नक्कली नोट छापेको बताएका छन ।

जेठ १ गते सुर्खेत घर भएका महेन्द्र बोगटीले काठमाडौँस्थित नयाँ बसपार्क नजिकै रहेको सुमधुर क्याफे तथा खाजाघरमा खाजा खाएर बिल तिर्दा नक्कली नोट दिए । नक्कली नोट दिएको चाल पाएपछि क्याफे सञ्चालकले तत्काल प्रहरीलाई खवर गरे ।

तत्काल गोंगबु प्रभागबाट खटिएको प्रहरी टोलीले बोगटीलाई सोधपुछ तथा खानतलासी उनको साथबाट १ लाख २० हजार नक्कली नेपाली रूपैयाँ फेला पर्यो । बोगटीले दिएको सूचनाका आधारमा सिन्धुलीका सुजित तामाङ र साजन तामाङको ललितपुरको कोठामा खानतलासी गर्दा प्रहरीले सात लाख ४३ हजार बराबरको नक्कली नोट बरामत गरयो ।

त्यसपछि बागबजारस्थित नवज्योती प्रिन्टिङ प्रेसका सञ्चालक ३६ वर्षीय प्रकाश सुवेदीले भोलेबाबा प्रिन्टिङ प्रेसका सञ्चालक ३९ वर्षीय विकेश नापितलाई छाप्न दिएका थिए । सबै नक्कली नोट नापितको छापामा छापिएको थियो । प्रहरीले नक्कली नोट बनाउन प्रयोग गरेको ४ थान प्लेटसमेत बरामद गरेको छ ।

निर्माता वाग्लेले आफूले फिल्मको सुटिङका लागि नक्कली नोट छापेको बताएका छन् । केही नोटमा ‘फिल्म प्रयोजनका लागि’ भनेर समेत लेखिएको छ । नक्कली नोटलाई उनीहरुले विभिन्न होटलमा बिल तिर्न, जुवा, लागुऔषध कारोबारी तथा यौनकर्मीको प्रयोग गरेर बजारसम्म पुरयाउने गरेको अनुसन्धानबाट खुलेको छ । पक्राउ परेका उनीहरुलाई १० वर्षसम्म कैद सजाय हुने बताइएको छ ।


 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com

        E-mail:
 akhabartimes@gmail.com


अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam
(Director)
Editor Team
Mahesh Kumar Sunuwar, Ashok Siwakoti,
Yogendra Chaulagain, Pawan Kumar Tamang,
Ranika Rai Sunuwar, Laxmi Kishori Parajuli, 
Balkrishna Karmacharya, Rita Gurung,
Promise Gurung, Janga Bahadur Bomjan,
Sangita Tamang, Rohini Chhetri
Sunita Thapa