आईतवार, १२ फागुन, २०७५ (Sun, 24 February, 2019)
समाचार
Jun 11, 2018
अमेरिका र उत्तर कोरियाको ऐतिहासिक शिखर वार्ता मंगलबार सिंगापुरमा
सोमबार, जेष्ठ २८, २०७५
काठमाडौं : एक अर्काप्रति दुश्मनीपूर्ण अभिब्यक्ति दिँदै आएका उत्तर कोरियाली नेता किम जोङ उन र अमेरिकी राष्ट्रपति डोनाल्ड ट्रम्पबीचको बहुप्रतीक्षित ऐतिहासिक वार्ता सिंगापुरमा हुँदैछ ।

सन् १९५० देखि १९५३ सम्म चलेको कोरियाली युद्धदेखि नै सम्बन्ध शत्रुवत् रुपमा रहेका अमेरिका र उत्तर कोरियाका शिर्ष नेताबीच पहिलो पटक सिंगापुरको सेन्टोसा टापुमा रहेको क्यापेला होटलमा हुन लागेको वार्तालाई संसारले नियाली रहेको छ ।

वार्ताको दुई दिन अघि नै सिंगापुर पुगेका अमेरिकी राष्ट्रपति ट्रम्प सांग्रिला होटलमा बसेका छन् भने त्यसको केही पर सेन्ट सेजिस होटलमा बसिरहेका छन् उत्तर कोरियाली नेता किम उन । निकट विगतमै यी दुई नेताबीच दुश्मनीपूर्ण जुहारी देखेको सारा विश्व यो वार्ताबाट आश्चर्य चकित छ ।

यो शिखर वार्ता दुई नेताका लागि मात्र नभएर अमेरिका र उत्तर कोरियाबीचकै पहिलो शिर्ष वार्ता हो । यो वार्ता केवल कोरियाली प्रायद्विपको शान्तिका लागि मात्र नभई विश्व शान्तिका लागि पनि त्यतिकै महत्वपूर्ण मानिएको छ । वार्तालाई नेपालमा पनि निकै चासोका साथ हेरिएको छ ।

उत्तर कोरियाबाट आफ्नो सुरक्षामा खतरा महशुस गर्ने राष्ट्र जापान नेपालको प्रमुख दाता राष्ट्र हो । यो वार्ता सफल भए जापानले सुरक्षामा गरिरहेको खर्च स्वतः क्षेत्रीय विकास र समृद्धिमा आउने कुटनीतिज्ञहरुको भनाई छ ।

यो वार्तासँग नेपालको साइनो यत्तिमै सीमित छैन । इतिहासकै सर्वाधिक महत्वको शिखर वार्तामा सुरक्षाको जिम्मेवारी सिंगापुरमा कार्यरत गोर्खा सुरक्षाकर्मीले पाएपछि वीर नेपाली भन्ने मान्यतालाई थप बल पुगेको छ ।

हुन त ट्रम्प र किमबीचको वार्ताले कस्तो मोड लिन्छ र यसले के परिणाम दिन्छ त्यो यसै भन्न नसकिने अवस्था छ । तर उत्तर कोरियालाई निःशस्त्रीकरण गर्ने विश्वका शक्ति राष्ट्रहरुको चाहाना पूरा हुने दिशामा सहमति भएमा क्षेत्रीय मात्र नभएर विश्व शान्तिका लागि पनि महत्वपूर्ण योगदान पुग्न सक्ने विश्लेषकहरुको भनाई छ ।



 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Correspondent
Laxmi Kishori Parajuli 
Balkrishna Karmacharya, Milan Gurung,
Subash Thapa, Karna Bahadur Ghale,
Sangita Tamang, Mahesh Sherchan,
Rohini Chhetri, 
Pawan Kumar Tamang