आईतवार, १२ फागुन, २०७५ (Sun, 24 February, 2019)
समाचार
Jun 13, 2018
कांग्रेसमा गुटगत राजनीतिले कार्यकर्ता निराश
बुधबार, जेष्ठ ३०, २०७५
काठमाडौं : चुनावी पराजयपछि नेपाली कांग्रेसमा आन्तरिक लोकतन्त्र र गुटगत राजनीतिको अन्त्यका लागि निक्कै चर्को बहस चलिरहेको छ । तर पार्टीको शुभेच्छुक संस्था नेपाल ट्रेड युनियन कांग्रेसको छैटौं महाधिवेशनमा शीर्ष नेताबाटै फरक फरक उम्मेदवारको पक्षमा लविङ सुरु भएपछि गुट समाप्त गर्ने कुरा भाषणमै सिमित हुन पुगेको देखिएको छ ।

ट्रेड युनियन कांग्रेसको उद्घाटन समारोहमा पार्टी महामन्त्री शंशाक कोइरालाले कांग्रेस अव एकढिक्का भएर अघि बढ्ने र भातृ संस्थामा हस्तक्षेप नगर्ने उद्घोष गरेका थिए । तर महाधिवेशन अघि बढ्न नपाउँदै नेताको गुटगत छायाँ सतहमै देखिएको छ । बन्दसत्रको कार्यक्रम प्रभावित भयो भने उम्मेदवारहरु मनोनयन दर्ता नगर्दै भोट माग्न हानाथाप गरिरहेका देखिन्थे ।

नीति प्रधान कि नेतृत्व प्रधान भन्नेमा बहस चलेपनि महाधिवेशनपछि संस्थाको नीति के हुने भन्नेमा भन्दा पनि कसलाई जिताउने र कसको पक्षमा लाग्ने भन्ने प्रमुख मुद्धा बनिरहेको छ । सभापति शेरबहादुर देउवाको समर्थन वर्तमान अध्यक्ष खिलानाथ दाहाललाई छ भने वरिष्ठ नेता रामचन्द्र पौडेल सहित कृष्णप्रसाद सिटौलाको समूह पुष्कर आचार्यको पक्षमा प्रत्यक्ष अप्रत्यक्ष रुपमा भोट मागिरहेका छन् ।

नेताहरु मुखले गुटगत राजनीति अन्त्य गर्छौं भन्ने तर भातृ वा शुभेच्छुक संस्थामा हस्तक्षेप गर्ने चलन देख्दा कार्यकर्ता पनि निराश छन् । लामो विवादकाबीच नेपाल विद्यार्थी संघ, तरुण दल र महिला संघमा सर्वसम्मत नेतृत्व चयन गरेपनि निजामति कर्मचारी, शिक्षक र इन्जिनियरिङको निर्वाचन हुँदा सभापति देउवा पक्ष पराजित भएको छ । प्रतिनिधिसभा र प्रदेशसभाको निर्वाचनमा लज्जास्पद पराजयपछि नेताहरुले गुट उपगुट अन्त्य गर्ने प्रतिवद्धता ब्यक्त गरेपनि व्यवहारमा कुनै परिवर्तन आएको छैन ।

 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Correspondent
Laxmi Kishori Parajuli 
Balkrishna Karmacharya, Milan Gurung,
Subash Thapa, Karna Bahadur Ghale,
Sangita Tamang, Mahesh Sherchan,
Rohini Chhetri, 
Pawan Kumar Tamang