बुधबार, ८ फागुन, २०७५ (Wed, 20 February, 2019)
समाचार
Jul 09, 2018
पार्टीलाई गतिशिलता दिन कांग्रेसमा पुराना कार्यकर्ताको खोजी
सोमबार, आषाढ २५, २०७५
काठमाडौं : सत्तामा रहँदा कार्यकर्तालाई वेवास्ता गरेको आरोप खेप्दै आएको नेपाली कांग्रेसले प्रतिपक्षमा पुगेपछि भने पुराना कार्यकर्ताको खोजी सुरु गरेको छ । आज लामो समय पार्टीमा योगदान गरेका नेता कार्यकर्ताहरु भेला गरेर कांग्रेस नेतृत्वले विगतका गल्ती नदोहोर्याउने प्रतिबद्धता जनाएको छ ।

कांग्रेस केन्द्रीय सदस्य डा. नारायण खड्काको संयोजनमा नेपाली कांग्रेसका पुराना नेता कार्यकर्ता र केन्द्रीय पदाधिकारीबीच लामो समयपछि अन्तरक्रिया भएको छ । लामो समय कांग्रेसको जिल्ला तथा केन्द्रीय राजनीतिमा सक्रिय रहेका तर अहिले कार्यकारी भूमिकामा नरहेका पाका नेताहरुको कुरा सुन्दै सभापति शेरबहादुर देउवाले विगतमा भएका गल्ती नदोर्याउने प्रतिबद्धता जनाएका छन् ।

पाका कांग्रेसी नेताहरुले आफ्नो धारणा राख्ने क्रममा पार्टी नेतृत्वले पुराना कार्यकर्ता बिर्सदै गएकोले कमजोर बन्दै गएको उनीहरुको दावी छ । विगतमा पार्टीले लिएको निती तथा कार्यक्रमबारे कार्यकर्तालाई नै विश्वस्त बनाउन नसकेकोले पार्टी कमजोर बनेको उनीहरुको आरोप थियो ।

वरिष्ठ नेता रामचन्द्र पौडेलले पार्टी कमजोर हुनुमा जिम्मेवारी अनुसार सबैको दोष रहेको दावी गरे । पौडेलले कांग्रेसको अस्तित्व संकटमा परेको सत्य स्वीकार्नुपर्ने भन्दै अरु बिग्रेको पर्खनुभन्दा आफू सुध्रनु बुद्धिमानी हुने बताए ।

कार्यक्रममा २०१५ सालयता पार्टीको विभिन्न भूमिकामा रहेका नेता, पूर्व मन्त्री, पूर्व जिल्ला सभापति एवं पुराना कार्यकर्ताहरुको उपस्थिति रहेको थियो । पार्टीलाई गतिशिलता प्रदान गर्न परिपक्व नेता कार्यकर्ताहरुको सुझाव लिइएको कांग्रेसले जनाएको छ । कांग्रेसको विधान अनुसार गठन हुनुपर्ने ज्येष्ठ राजनीतिज्ञ सभा भने अहिलेसम्म गठन हुन सकेको छैन ।

 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Correspondent
Laxmi Kishori Parajuli 
Balkrishna Karmacharya, Milan Gurung,
Subash Thapa, Karna Bahadur Ghale,
Sangita Tamang, Mahesh Sherchan,
Rohini Chhetri, 
Pawan Kumar Tamang