काठमाडौं : संघीय संसदको बैठक बसेको ४ महिनापछि संसदीय सुनुवाई समितिको बैठक बसेको छ । फागुन २१ गते संघीय संसदको पहिलो बैठक बसेको १ सय २६ दिनपछि आज संसदीय समितिको बैठक बसेको हो ।

संसदको नियमावली मस्यौदा निर्माणमा लामो समय अल्मलिएका दलहरु नियमावली पारित भएपछि पनि समिति गठनमा ढिलाई गर्दा संसदीय समिति सहित अन्य समिति गठनमा ढिलासुस्ती भएको हो ।

संसदीय समिति नबन्दा सर्वोच्च अदालतदेखि केही संवैधानिक निकायका प्रमुख तथा सदस्य पद रिक्त छन् । आज पहिलो पटक बसेको समितिको बैठकले कार्यविधि तय गर्न ३ सदस्यीय उपसमिति गठन गरेको छ ।

कार्यविधि तयार पारेसँगै समितिको नियमित काम अगाडि बढ्ने समितिका ज्येष्ठ सदस्य लक्ष्मणलाल कर्णले बताए । १५ सदस्यीय समितिमा प्रतिनिधिसभाबाट १२ र राष्ट्रियसभाबाट ३ जना रहेका छन ।

समितिले, कार्यविधि तयार पारेपछि सभापति चयनदेखि संवैधानिक परिषदले नियुक्तिका लागि सिफारिस गरेकाहरुको उजुरी लिनेदेखि सुनुवाई गरि नियुक्तिका लागि सरकार समक्ष सिफारिस गर्ने गर्दछ ।।