आईतवार, १२ फागुन, २०७५ (Sun, 24 February, 2019)
समाचार
Aug 01, 2018
सुनुवाई समितिले प्रधानन्यायाधीशबारे अझै निर्णय लिन सकेन, अर्को बैठक शुक्रबार
बुधबार, श्रावन १६, २०७५
काठमाडौं : प्रधानन्यायाधीशमा दीपकराज जोशीको नाम अनुमोदन गर्ने कि नगर्ने भन्ने विषयमा संसदीय सुनुवाइ समितिको पाँचौं बैठक पनि अनिर्णित बनेको छ ।

आजको बैठकले प्रधानन्यायाधीशमा सिफारिश भएका जोशीलाई अनुमोदन गर्ने वा नगर्ने निर्णय लिने अनुमान गरिएको थियो । तर समितिका सदस्यबीच नै घनीभूत आवश्यक रहेको भन्दै अर्को बैठक शुक्रबारलाई बोलाइएको जानकारी समितिका जेष्ठ सदस्य लक्ष्मणलाल कर्णले जानकारी दिए । सहमतिमै निर्णयमा पुग्नका लागि समय माग भएकाले बैठक स्थगित गरिएको उनको भनाई छ ।

सामान्यतया सुनुवाइ समितिले सुनुवाइ समाप्त भएकै दिन त्यसबारे निर्णय गर्ने गरे पनि जोशीको हकमा बैठक पटकपटक सर्दै आएको छ । सत्ता पक्ष र प्रतिपक्ष सांसदबीच कुरा नमिल्दा बैठक निष्कर्शमा पुग्न नसकेको हो ।

बिहीबारको सुनुवाइपछि शुक्रबार बैठक बसेर निर्णय गर्ने भनिए पनि बैठक आइतबारका लागि सरेको थियो । फेरि, सोमबारका लागि बैठक तोकिएको थियो। सोमबारको लागि बोलाइएको बैठकबाट पनि निर्णय हुन नसकेपछि बुधबारको लागि बोलाइएको थियो ।

बैठक फेरि शुक्रबारको लागि सरेको हो । सुनुवाइको क्रममा जोशीको शैक्षिक प्रमाणपत्र, फैसला र उनका इजलाशले गरेका आदेशहरुमा देखिएका विवादका विषयमा उजुरी दर्ता भएका थिए । उजुरीका आधारमा समितिका सदस्यहरुले उनलाई प्रश्न समेत सोधेका थिए ।

प्रधानन्यायाधीश नियुक्ति प्रक्रियामा २०६३ को अन्तरिम संविधान लागू भएदेखि सुरु भएको संसदीय सुनुवाईमध्ये यो नै हालसम्मको लामो सुनुवाई प्रक्रिया भएको छ । यसअघि यति लामो समयसम्म अनुमोदन गर्ने वा नगर्ने विषयमा विवाद भएको थिएन ।।
 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु


कम्पनी रजिष्टार कार्यालय दर्ता नम्बर : ८४०५६/०६७/०६८
 
 
Old Baneshwor, Kathmandu, Nepal
+ 9 7 7 - 9 8 5 1 0 4 6 8 8 6
newvisionpoint@gmail.com


        E-mail: akhabartimes@gmail.com

अनलाईन सञ्चारमाध्यम दर्ता प्रमाण-पत्र नं. ३७३/०७३-०७४
न्यू भिजन प्वाइन्ट प्रा.लि.द्वारा सञ्चालित
info@akhabarnepal.com, news@akhabarnepal.com

सुबास मुखिया सुनुवार (SUBAS Kumar Sunuwar)
अध्यक्ष/सम्पादक (President/Editor)
Hemanta Gautam (Managing Director)

Correspondent
Laxmi Kishori Parajuli 
Balkrishna Karmacharya, Milan Gurung,
Subash Thapa, Karna Bahadur Ghale,
Sangita Tamang, Mahesh Sherchan,
Rohini Chhetri, 
Pawan Kumar Tamang