काठमाडौं: गृहमन्त्री रामबहादुर थापाले निर्मला पन्त हत्याप्रकरणका दोषीलाइ छिट्टै कानुनी कठघरामा ल्याउने आश्वासन दिएकन छन् । आज राष्ट्रियसभाको बैठकमा समसामयिक विषयमा सांसदहरुले उठाएका प्रश्नको जवाफ दिदै गृहमन्त्री थापाले उच्चस्तरीय छानविन समितिले अनुसन्धान प्रतिवेदन बुझाईसकेकाले अब दोषि पत्ता लगाउन सरकारलाई सहज हुने बताए ।

निर्वाध मदिरा विक्रि वितरण तथा लागु औषध नियन्त्रण र निषेध नगरेसम्म महिला हिंसामा कमि नआउने उनको तर्क थियो । समााजिक र वस्तुगत आधार नसच्याएसम्म महिला हिंसाका घटनामा कमि नआउने भन्दै उनले सामान्ती र पुँजीवादी चिन्तनले महिलामाथि दुर्रव्यवहार भईरहेको बताए ।

चाडपर्वको समयमा बढ्ने आपराधिक क्रियाकलाप नियन्त्रण तथा कालोबजारी रोक्नका आवश्यक बन्दोबस्ती गर्नुको साथै खाद्यान्नको ढुवानी लगायतको व्यवस्था मिलाउन सम्बन्धीत निकायलाई निर्देशन दिईसकिएको उनको भनाइ छ ।।