काठमाडौं: प्रहरी महानिरिक्षक सर्वेन्द्र खनालले निर्मलाका हत्याको दोषि पत्ता लगाउने कार्यमा प्रहरीलाइ सहयोग गर्न आग्रह गरेका छन् । कतिपय सञ्चारमाध्यममा आएका समाचार प्रति इगिंत गर्दे महानिरिक्षक खनालले प्रहरीको मनोवल गिराउने समाचारले आफुलाइ चित्त दुखेको गुनासो गरेका छन् ।

कन्चनपुरकी निर्मला पन्तको बलात्कार पछि हत्या भएको १५० दिन भैसक्दा समेत प्रहरीले हत्यारा पत्ता लगाउन नसकेको भनि आलोचना भैरहदा प्रहरीले भने अनुसन्धान तिब्र भैरहेको र यसमा सहयोग गर्न सवैमा अपिल समेत गरेको छ ।

प्रहरीप्रधान कार्यलयमा आयोजित कार्यक्रममा प्रहरी महानिरिक्षक सर्वेन्द्र खनालले निर्मलको हत्यारा पत्ता लगाउन प्रहरी दृडता पुर्वक लगिरहेको बताउदै हत्यारा जोसुकै भएपनि नछाड्ने बताएका छन् । अपराध न्युनिकरणमा प्रहरीले उच्चतम प्रयास भैरहेकोले प्रहरीलाइ कमजोर बनाउने प्रबृति त्यागिदिन प्रहरी महानिरिक्षले आग्रह समेत गरेका छन् ।

महानिरिक्षक खनालले आफु र आफ्नो संगठनले रहर र बिलासिताका लागि सवारी साधान प्रयोग नगरेको भन्दै केहि संचार माध्यममा आइरहेको अतियुक्तिपुर्ण समाचारले आफुलाइ निकै दुखित बनाएको भन्दै चित्त दुखाए । हरेक अनुसन्धानको पाटोमा प्रहरीलाइ सहज तवरले काम गर्ने बाताबरण बनाएदेखि अपराध हराएरै जाने महानिरिक्षक खनालको भनाई छ ।।